ထိုင်းနိုင်ငံ တာ့ခ်ခရိုင် မဲရာမတ် မြို့နယ် နယ်စပ်မှာ အထောက်အထားမဲ့ နယ်စပ်ဖြတ်ကျော် ဝင်ရောက်လာတဲ့ မြန်မာရွှေ့ပြောင်းလုပ်သား ၆၄ ဦး အဖမ်းခံရတယ်လို့ ထိုင်းဒေသတွင်းသတင်းတွေအရ သိရပါတယ်။
အောက်တိုဘာ၂၆ရက် မနက်အစောပိုင်းမှာ မဲရာမတ်မြို့နယ်၊ နမ်ဒစ်ဘွန်ဝမ်ရွာအနီး မှာ နိုင်ငံခြားသား လုပ်သားတွေ တရားမဝင် ဝင်ရောက်လာကြောင်း သတင်းရရှိတဲ့ အတွက် တပ်ရင်း (၃၅) အထူးတပ်ဖွဲ့မှ လုံခြုံရေးအဖွဲ့များနဲ့ ကင်းလှည့်စစ်ဆေးမှု ပြုလုပ်ရာ မှ အထောက်အထားမဲ့ မြန်မာရွှေ့ပြောင်းလုပ်သား အုပ်စုတစ်စုကို တွေ့ရှိခဲ့တယ်လို့ ဆိုပါတယ်။
အမျိုးသား၄၃ဦး၊ အမျိုးသမီး ၂၁ဦး စုစုပေါင်း မြန်မာရွှေ့ပြောင်းလုပ်သား ၆၄ဦး နဲ့ ခိုးဝင်ရန်အကူအညီပေးတဲ့ ပွဲစား ၃ ဦးကိုလည်း ဖမ်းဆီးရမိခဲ့တယ်လို့ သတင်းမှာဖေါ်ပြထားပါတယ်။
၎င်းတို့နဲ့အတူ အကြိုအပို့ ပြုလုပ်တာမှာ အသုံးပြုတဲ့ ကားတစ်စီး၊ ဆိုင်ကယ်တစ်စီးတို့ကိုလည်းသိမ်းဆည်းရမိကာ ဖမ်းမိခံရသူတွေ အားလုံးကို မဲရာမတ်မြို့နယ် ရဲစခန်း သို့ ပို့ဆောင်ခဲ့ပြီး ဥပဒေအရ အရေးယူဆောင်ရွက်သွားမယ်လို့ သိရပါတယ်။
ယခုတစ်ပတ်အတွင်း နယ်စပ်ဖြတ်ကျော် ဝင်ရောက်လို့ အဖမ်းခံရတဲ့ မြန်မာရွှေ့ပြောင်းလုပ်သား နေ့တိုင်းနီးပါး ရှိနေပြီး အာဏာပိုင်တွေ ဖမ်းဆီးစဉ် ထွက်ပြေးတိမ်းရှောင်ရင်း ယာဉ်မတော်တဆ ဖြစ်မှု တွေကြောင့်သေဆုံး ဒဏ်ရာရသူတွေပါ ရှိကြောင်း သိရပါတယ်။
Ref-ข่าว สีรุ้ง
