ထိုင်းနိုင်ငံ ကန်ကျနဘူရီခရိုင် စံခလဘူရီမြို့ နောင်လူကျေးရွာအုပ်စု ထိခရုန်(င်)ရွာ စစ်ဆေးရေးဂိတ်နား မှာ တရားမဝင် နယ်စပ် ဖြတ်ကျော်လာတဲ့ ကလေးငယ် အပါအဝင် မြန်မာအလုပ်သမား ၃၀ကျော် အဖမ်းခံရတယ်လို့ ထိုင်းသတင်းဌာန တွေရဲ့ ဖေါ်ပြချက်အရသိရပါတယ်။
မေလ ၂၆ရက် နံနက် ၆နာရီ၁၅မိနစ် ခန့်မှာ ကုန်တင်ကား တစ်စီး အတွင်း လိုက်ပါလာတဲ့ မြန်မာအလုပ် သမား အမျိုးသား ၁၈ဦးနှင့်အမျိုးသမီး၉ဦး ကလေးငယ် အမျိုးသား ၃ဦး နှင့်အတူ ခေါ်ဆောင်လာသူ၂ဦး တို့ကို ထိုင်းနိုင်ငံ ဒေသခံအာဏာပိုင်အဖွဲ့များ ပူးပေါင်း စစ်ဆေး ဖမ်းဆီး ခဲ့တာ ဖြစ်တယ် လို့ ဆိုပါတယ်။
စစ်ဆေးမေးမြန်းချက်အရ မြန်မာအလုပ်သမားတွေဟာ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊မန္တလေးတိုင်းဒေသကြီး မွန်ပြည်နယ် ၊ကရင်ပြည်နယ်တို့မှလာ ရောက်ခြင်းဖြစ်ကာ ထိုင်းနိုင်ငံ ဘန်ကောက်မြို့နဲ့ အခြားမြို့တို့မှာ သွားရောက်အလုပ်လုပ်ကိုင်ဖို့ အတွက် ဖြစ်တယ်လို့ သိရပါတယ်။
အခုလို လာရောက် ဖို့ အတွက် ပွဲစားခ အဖြစ် တဦးလျှင် ဘတ် ၁၅၀၀၀မှ ၂၀၀၀၀ ထိ ပေးရမှာ ဖြစ်ကာ တချို့တစ်ဝက် ပေးချေးပြီး ဖြစ်တယ်လို့ သိရပါတယ်။
ယခု ဖမ်းဆီးရမိသူတွေ ကို တရားဥပဒေအတိုင်း ဆက်လက်ဆောင်ရွက်ဖို့ ထိုင်းဘက်မှ စံခလဘူရီ ရဲစခန်းကို ပို့ဆောင်မှာ ဖြစ်တယ်လို့ သိရပါတယ်။
