ထိုင်းနိုင်ငံ တောင်ပိုင်းရှိ ဖူးခက် မြို့တွင် မိုးသည်းထန်စွာရွာသွန်းမှုကြောင့် မြေပြိုမှု ဖြစ်ပေါ်ခဲ့ကာ မြန်မာရွှေ့ပြောင်းအလုပ်သမား ၃ ဦးအပါအဝင် လူ၈ဦး သေဆုံးခဲ့တယ်လို့ ထိုင်းသတင်းဌာနတွေရဲ့ဖေါ်ပြချက်အရ သိရပါတယ်။

မြေပြိုကျမှု တွင် မြန်မာရွှေ့ပြောင်းလုပ်သား  ၃ဦး၊ ထိုင်းနိုင်ငံသား ၃ ဦးနဲ့  ရုရှားနိုင်ငံသား ၂ ဦးသေဆုံးခဲ့ ပြီး ပျောက်ဆုံးသူတွေလည်း ရှိသေးတယ်လို့ ဆိုပါတယ်။

ဖူးခက်ဒေသအတွင်း ဩဂုတ်လ ၂၂ရက်ညကစပြီး မိုးသည်းထန်စွာရွာခဲ့ရာ ဩဂုတ်လ ၂၃ရက် အထိ ဆက်လက် ရွာသွန်းနေဆဲ ဖြစ်ကာ စုစုပေါင်း မိုးရေချိန် မီလီမီတာ ၂၀၀ခန့်(၈လက်မခန့်)ရှိခဲ့တယ်လို့ သိရပါတယ်။

မြေပြိုမှုကြောင့် နေအိမ်များလည်း ပျက်စီးခဲ့ကာ နေအိမ်အတွင်း  ပိတ်မိနေသူတွေလည်း ရှိတဲ့ အတွက် ကယ်ဆယ်ရေးလုပ်ငန်း တွေ ဆက်တိုက် လုပ်ဆောင်ပေးနေတယ်လို့ သိရပါတယ်။

ပျောက်ဆုံးသူနေသူတွေကို ဆက်လက်ရှာဖွေလျက်ရှိပြီး ပျောက်ဆုံးသူတွေထဲ တွင် မြန်မာနိုင်ငံသား ရွှေ့ပြောင်း လုပ်သားများ လည်း ရှိနေသေးတယ်လို့သိရပါတယ်။

photo- social media