ထိုင်းနိုင်ငံတောင်ပိုင်း စူရတ်ဌာနီခရိုင်တွင်အထောက်အထားမဲ့ မြန်မာနိုင်ငံသား တစ်ရာနီးပါးကို ဖမ်းဆီးရမိတယ်လို့ ထိုင်းသတင်းဌာန တွေရဲ့ ဖေါ်ပြချက်အရ သိရပါတယ်။
ထားချန့်ဒေသရှိ ဆီအုန်းခြံထဲမှာ မြန်မာနိုင်ငံသား တွေ ပုန်းခိုနေကြောင်း တိုင်ကြားချက် ရရှိတဲ့အတွက် ထိုင်းရဲတပ်ဖွဲ့က သွားရောက်စစ်ဆေးရာမှ ဧပြီလ ၂၂ ရက်နေ့က ဖမ်းဆီးရမိခဲ့ခြင်းဖြစ်တယ်လို့ဆိုပါတယ်။
အဆိုပါ မြန်မာ အလုပ်သမားတွေဟာ မလေးရှား နိုင်ငံ ကို သွားရောက် အလုပ် လုပ် ဖို့ နယ်စပ်ဒေသ တွေ ဖြစ် တဲ့ တာ့ခ်ခရိုင်၊ ကန်ချနဘူရီခရိုင်နှင့် ပရာကျွတ်ခီရီခန်ခရိုင်၊ ရနောင်းခရိုင်များကတစ်ဆင့် တရားမဝင် နယ်စပ်ဖြတ်ကျော်ဝင်ရောက်လာခဲ့တာလို့ သိရပါတယ်။
ဖမ်းဆီးခံရသူ တွေ ထဲ မှာ ကလေးငယ်နှစ်ဦးအပါအဝင် အမျိုးသား ၆၁ ဦး၊ အမျိုးသမီး ၃၄ ဦး စုစုပေါင်း ၉၅ ဦးရှိတယ်လို့ ဆိုပါတယ်။
ဖမ်းဆီးခံရတဲ့ မြန်မာ အလုပ်သမားတွေ ကို ထာ့ချန်ရဲစခန်းသို့ ပို့ဆောင်ခဲ့ပြီး ဥပဒေအရ ဆက်လက်အရေးယူ ဆောင်ရွက်ပြီးနောက် နေရပ်ပြန်လည်ပို့ဆောင်သွားမှာ ဖြစ်တယ်လို့ သိရပါတယ်။
