ထိုင်းနိုင်ငံကို ဝင်ရောက်သူတိုင်း Thailand Digital Arrival Card (TDAC) ဆိုက်ရောက်ကတ် ဖြည့်သွင်းရမဲ့ Website အတုပေါ်နေလို့ ထိုင်းရောက်မြန်မာတွေ သတိပြုဖိုလိုအပ်တယ်လို့ ရွှေ့ပြောင်းလုပ်သားများ အသိုက်အဝန်းက အသိပေးထားပါတယ်။ TDAC ဖြည့်သွင်းဖိုက အခု မေလ ၁ရက်‌မှာ စတင် ဖြည့်သွင်းဖို သတ်မှတ်ထားတာ ဖြစ်ပါတယ်။

 

ထိုင်းနိုင်ငံသား မဟုတ်သူတွေ နိုင်ငံအတွင်း လေကြောင်း၊ ရေကြောင်း၊ကုန်ကြောင်း တွေက ဝင်ရောက်ပါက TDAC (ထိုင်းဆိုက်ရောက်ကတ်)ကို သုံးရက်ကြိုတင် ‌မဖြစ်မနေဖြည့်သွင်းရမှာ ဖြစ်ပါတယ်။ TDAC ကို ရေးသွင်းဖိုအတွက် http://tdac.immigration.go.th Website ကို အသုံးပြုရမှာ ဖြစ်ပြီး တခြားနိုင်ငံတကာ လေဆိပ်အတွင်းမှာလည်းTDACကတ် ဖြည့်မဲ့နေရာတွေစီစဉ်ထားတယ်လို့ ဆိုပါတယ်။

 

"အဓိက သတိထားရမှာကတော့ အခုလို TDAC Website အယောင်ဆောင်ပြီး လူလိမ်၊ လူညာတွေများနေတာပါ။ ဝက်ဘ်ဆိုဒ်အတုတွေမှာ ဆိုက်ရောက်ကတ် အချက်အလက်ဖြည့်သွင်းမိတာက ကိုယ်ရေးအချက်အလက်တွေ အလွယ်တကူ ခိုးယူခံရနိုင်တယ်။ ဒီအချက်အလက်တွေကို မမှန်မကန် အလွဲသုံးစားလုပ်သူတွေရဲ့အသုံးချခံရနိုင်လို ထိုင်းကို မေလကနေ စဝင်လာမဲ့ မြန်မာလူမျိုးတွေ သတိပြုသင့်ပါတယ်"လို နည်းပညာ လုပ်ငန်းလုပ်ကိုင်သူ ရွှေ့ပြောင်းမြန်မာတစ်ဦးက ပြောပါတယ်။

 

ကာလရှည်နေထိုင်ခွင် ဗီဇာနဲ့နေထိုင်ကြသူတွေ ထိုင်းနိုင်ငံ ပြင်ပကို ထွက်ပြီး ပြန်ဝင်တဲ့ အခါ TDAC ကတ် ဖြည့်စွက်ဖို လိုအပ်ပြီး ၊ လူမှုဝင်မှုကြီးကြပ်ရေးအဖွဲကို ဖြတ်စရာမလိုဘဲ လေယာဉ်ပြောင်းစီးမဲ့ သူတွေကတော့ TDAC ကို ဖြည့်ဖိုမလိုအပ်သလို ၊Border Pass နဲ့ ထိုင်းနိုင်ငံထဲ ဝင်ရောက်ကြမဲ့သူတွေလည်း TDAC ဖြည့်ဖို မလိုအပ်ဘူးလို့ သိရပါတယ်။

TDAC မှာ Personal Information ၊Trip & Accommodation Information နဲ့Health Declaration တို ဖြည့်ရမှာ ဖြစ်ပြီး ၊ ဖြည့်ပြီးပါက Email ထဲကို QR code ပိုပေးမှာဖြစ်လို QR code ကို ထိုင်းနိုင်ငံကို ဝင်ရောက်ရောက်တဲ့အခါ လူဝင်မှုကြီးကြပ်ရေးအဖွဲကို ပြသရမှာလို့ သိရပါတယ်။

 

ထိုင်းနိုင်ငံကို မထွက်ခွာမီ သုံးရက်ကြိုတင် ကတ်ဖြည့်ထားနိုင်ပြီး အချက်အလက်တွေကို ပြန်လည်ပြင်ဆင်လိုပါက QR code ကို Scan ဖတ်ပြီး ပြောင်းလဲ နိုင်တယ်လို့ သိရပါတယ်။