ထိုင်းနိုင်ငံ အတွင်း အလုပ်လုပ်ကိုင်ရန် ရည်ရွယ်ကာ နယ်စပ်ဖြတ်ကျော်ဝင်ရောက်လာတဲ့ မြန်မာရွှေ့ပြောင်းလုပ်သား ၃၀ ကျော် အဖမ်းခံရတယ်လို့ ထိုင်းသတင်းတွေရဲ့ ဖေါ်ပြချက်အရ သိရပါတယ်။

 

နိုဝင်ဘာ ၃ ရက် က ထိုင်းနိုင်ငံ ချိုင်းနတ်ခရိုင် တွင် အယုဒ္ဓယရှိ ဆောက်လုပ်ရေး လုပ်ငန်း ခွင် မှာ အလုပ်လုပ်ကိုင်ဖို့ လာရောက်တဲ့ အထောက်အထားမဲ့ မြန်မာရွှေ့ပြောင်း လုပ်သား ၇ ဦး ကို ထိုင်းအာဏာပိုင်တွေ ဖမ်းဆီးခဲ့ ကြောင်း သတင်းတွေမှာဖေါ်ပြထားပါတယ်။

 

မြန်မာလုပ်သား၇ဦး စီးလာတဲ့ ယာဉ်ဟာ လမ်းအကွေ့မှာ လမ်းချော်ပြီး မြောင်းထဲ ထိုးကျမှု ဖြစ်ပွားခဲ့ ပြီးနောက် ယာဉ်မောင်းသူ မြန်မာနိုင်ငံသားနဲ့ မြန်မာရွှေ့ပြောင်း လုပ်သား ၇ ဦးတို့ ကို အာဏာပိုင်တွေက ဖမ်းမိခဲ့တာလို့ ဆိုပါတယ်။

 

ဒါ့အပြင် နိုဝင်ဘာ ၄ ရက် မှာလည်း ကန်ချနဘူရီ ခရိုင် အတွင် အထောက်အထားမဲ့ မြန်မာရွှေ့ပြောင်း လုပ်သား ၂၅ဦး ကို တင်ဆောင်လာတဲ့ ယာဉ် ကို ထိုင်းအာဏာပိုင်တွေက စစ်ဆေးဖမ်းဆီးခဲ့တယ်လို့ ထိုင်းသတင်းတွေမှာ ဖေါ်ပြထားပါတယ်။

 

မြန်မာရွှေ့ပြောင်းလုပ်သား အမျိုးသား ၁၈ဦးနဲ့အမျိုးသမီး ၇ဦးတို့ဟာနခွန်ပထုန်နဲ့ စမွတ်စခွန် ပြည်နယ်တွေမှာ အလုပ်လုပ်ကိုင်ဖို့ ရည်ရွယ်ပြီး လာရောက်ခြင်းဖြစ်ကာ ပွဲစား ဆိုသူကို တစ်ဦး လျှင် ထိုင်းဘတ်ငွေ ၂၅၀၀၀ ပေးခဲ့ရတယ်လို့ သတင်းမှာဖေါ်ပြထားပါတယ်။

 

အဖမ်းခံရသူတွေကို ဥပဒေအရ အရေးယူပြီးပါက မြန်မာ နိုင်ငံသို့ပြန်လည်ပို့ဆောင်သွားမယ်လို့ သိရပါတယ်။

 

နိုဝင်ဘာ ၃ ရက် နေ့က လည်း ထိုင်း နိုင်ငံ ချွှန်ပွန်ခရိုင်ရှိ အဝေးပြေးလမ်း တွင် ထိုင်းနိုင်ငံအတွင်း အဖမ်းခံရပြီး နေရပ်ပြန်ပို့ခံရတဲ့ မြန်မာနိုင်ငံသား ၁၆ဦးဟာ မလေးရှားသို့ သွားရောက်ရန် ရည်ရွယ်ကာ ထိုင်းနိုင်ငံ အတွင်း နယ်စပ်ဖြတ်ကျော်ဝင်ရောက် တာကြောင့် ထပ်မံအဖမ်းခံရကြောင်းသိရပါတယ်။

 

ပြီးခဲ့တဲ့အောက်တိုဘာလ ကလည်း ထိုင်းနိုင်ငံ သို့ နယ်စပ်ဖြတ်ကျော်ဝင်ရောက်လို့ အဖမ်းခံရတဲ့ မြန်မာရွှေ့ပြောင်း လုပ်သား ၁၀၀၀ ခန့် ရှိကြောင်း

ထိုင်းသတင်း ဌာနတွေေဖာ်ပြချက်အရ သိရပါတယ်။

 

Ref-Khaosod News၊ Matichon Online News