ထိုင်းနိုင်ငံ ချွန်ဘူရီခရိုင် ပတ္တရာမြို့ရှိ ဆောက်လုပ်ရေး လုပ်ငန်းခွင် တွင်အထောက်အထားမပြည့်စုံတဲ့ မြန်မာလုပ်သား ၅၂ဦး အဖမ်းခံရတယ်လို့ထိုင်း သတင်းတွေ မှာဖော်ပြထားတာကို တွေ့ရပါတယ်။
ထိုင်းအလုပ်သမာဝန်ကြီးဌာနမှ အကြီးအကဲများညွှန်ကြားမှုဖြင့် မတ်လ ၂၄ရက်က ပတ္တရာမြို့ရှိ ဆောက်လုပ်ရေးလုပ်ငန်းခွင်တစ်ခုကို ဝင်ရောက်စစ်ဆေးရာကနေ အလုပ်လုပ်ကိုင်ခွင့်( ပါမစ်) မရှိ တဲ့ မြန်မာအလုပ်သမား ၅၂ဦးနဲ့ ကမ္ဘောဒီးယားအလုပ်သမား ၃ဦး စုစုပေါင်း ၅၅ဦး ကို ဖမ်းဆီးခဲ့တယ်လို့ သိရပါတယ်။
တာဝန်ရှိသူ တွေ က ၎င်းတို့အားလုံးကို ပတ္ထရား မြို့မ ရဲစခန်းတွင် စည်းမျဉ်းစည်းကမ်းများနှင့်အညီ ထိန်းသိမ်းထားကြောင်းကို ထိုင်းအလုပ်သမားဝန်ကြီးဌာနရဲ့ စာမျက်နှာမှာ ဖော်ပြထားတာ တွေ့ရှိရပါတယ်။
ဒါ့အပြင် ထိုင်းနိုင်ငံရှိ လုပ်ငန်း အချို့ မှာ နိုင်ငံခြားသားရွှေ့ပြောင်း လုပ်သား တွေ ကို အားကိုးဖို့ လိုနေသေးပေမယ့် အလုပ်ခိုင်းစေမှု ကိုတော့ထိုင်း ဥပဒေနဲ့ အညီ လုပ်ကိုင်ရမယ်လို့ထိုင်းအလုပ်သမားဝန်ကြီး က ပြောဆိုပါတယ်။
အလုပ်သမားမှတ်ပုံတင်ခြင်းကဲ့သို့သော မှန်ကန်တဲ့ လုပ်ထုံးလုပ်နည်း အတိုင်း ဆောင်ရွက်ဖို့ သတိပေးထားပြီး တရားမဝင် နိုင်ငံခြားသားအလုပ်သမားများကိုငှားရမ်းခိုင်းစေ တဲ့ လုပ်ငန်းရှင် တွေ ကို လည်း ဥပဒေအရ အရေးယူဆောင်ရွက်သွားမယ်လို့ ထိုင်းအလုပ်သမားဝန်ကြီး က ပြောကြားထားပါတယ်။
