၂၀၂၅ ခုနှစ် အတွင်း ထိုင်းနိုင်ငံ အတွင်းအကြောင်းအမျိုးမျိုးနဲ့ ပြစ်ဒဏ်ကျခံ ပြီးတဲ့ မြန်မာလုပ်သား ၁၂၀၀ ကျော်ကို စစ်ကောင်စီ ထံလွှဲပြောင်း ပို့ဆောင်ပေးခဲ့တယ်လို့ ရနောင်းလူဝင်မှုကြီးကြပ်ရေးရုံးရဲ့ ထုတ်ပြန်ချက်အရသိရပါတယ်။
ပြစ်ဒဏ်ကျခံပြီးတဲ့ မြန်မာလုပ်သားတွေကို စစ်ကောင်စီထံလွှဲပြောင်းပေးတာမှာ ဇန်နဝါရီလ တွင် ၁၄၉ဦး၊ ဖေဖေါ်ဝါရီလ တွင် ၂၀၀ဦး၊ မတ်လ တွင် ၂၅၀ဦး၊ ဧပြီ လ တွင် ၂၀၈ဦး၊ မေလ တွင် ၈၁ဦး၊ဇွန်လတွင် ၁၃၁ ဦးတစ်ကြိမ်၊ ၉၈ ဦးတစ်ကြိမ်နဲ့ နှစ်ကြိမ်ခွဲကာ ပြန်လွှဲပေးပို့ခဲ့ပြီး ယမန်နေ့ ဇူလိုင်လ ၃၀ ရက်က ၁၆၂ ဦးကို ထပ်မံ လွှဲပို့ခဲ့တာ ယခုနှစ် အတွင်းစုစုပေါင်း ၁၂၇၉ ဦး လွှဲပြောင်းပေးပို့ခဲ့ကြောင်း သိရပါတယ်။
မြန်မာ လုပ်သားတွေ ကို ရနောင်းဆိပ်ကမ်းကတစ်ဆင့် စက်လှေများ နဲ့ မြန်မာနိုင်ငံ ကော့သောင်းဘက်သို့ လွှဲပြောင်းပေးပို့ခဲ့တာ ဖြစ်တယ်လို့ သိရပါတယ်။
နေရပ်ပြန်ပို့ ခံရတဲ့ လုပ်သားတွေ ထဲ မှာ အသက် ၃၅ နှစ်အောက် အမျိုးသားတွေ အများဆုံးပါဝင်ပြီး မြန်မာနိုင်ငံ အတွင်း လက်ရှိအခြေနေဟာ စစ်မှုထမ်း ရန် အမျိုးသား တွေကို အတင်းအဓမ္မခေါ်ဆောင်ခံရချိန် ဖြစ်တဲ့ အတွက် ပြည်ပရောက် မြန်မာနိုင်ငံသားတွေနဲ့ လူမှု့အဖွဲ့အစည်းတွေ က ထိုင်းအာဏာပိုင်တွေထံ ပြစ်ဒဏ်ကျခံ ပြီးတဲ့ မြန်မာလုပ်သားတွေ ကို နေရပ်ပြန်မပို့ဖို့ တောင်းဆို ထားပါတယ်။
သို့ပေမယ့် ထိုင်းအာဏာပိုင်တွေ ဘက် မှ လစဉ် ပြစ်ဒဏ်ကျခံပြီးတဲ့ မြန်မာလုပ်သား ၁၀၀ ကျော် ကို စစ်ကောင်စီ ထံ လွှဲပြောင်း ပေးပို့ လျက်ရှိပြီး ပြန်ပို့ ခံရသူတွေ ထဲ မှ စစ်မှုထမ်းဖို့ အတင်းအဓမ္မခေါ်ဆောင်ခံရသူတွေ လည်း များစွာရှိနေတယ်လို့ စစ်မှုထမ်း စုဆောင်းခံရပြီးနောက် ထွက်ပြေးလွတ်မြောက်လာသူတွေရဲ့ ပြောဆိုချက်အရသိရပါတယ်။
