ထိုင်းနိုင်ငံ ချွန်ပူလီခရိုင် လယောင်မြို့ရှိကားတာယာစက်ရုံတစ်ခုတွင် အလုပ်လုပ်နေသောမြန်မာ(PJ)အလုပ်သမား ကိုအောင်ကိုဝင်းသည်လုပ်ငန်းခွင်ထိခိုက်မှုကြောင့် လက်ကောက်ဝတ်ဆုံးရှုံးခဲ့ရခြင်းအတွက် လူမှုဖူလုံရေးအာမခံမှ နစ်နာကြေး ဘတ်၈သိန်းကျော်ရရှိခဲ့ကြောင်း WAG အလုပ်သမားမဟာမိတ်အဖွဲ့မှသိရပါတယ်။
ကိုအောင်ကိုဝင်းသည် ဧပြီ ၇ ရက် နံနက်၈နာရီခန့်တွင် ကားတာယာစက်ရုံတွင်အလုပ်လုပ်နေရင်းမတော်တဆထိခိုက်မှုဖြစ်ပြီး ဘယ်ဘက်လက်ကောက်ဝတ်ဖြတ်လိုက်ရခြင်းဖြစ်ကြောင်းသိရပါတယ်။
"သူကပကန် ( လူမှုဖူလုံရေး) ဆောင်ထားတဲ့အတွက်ပကန်ကနေလျော်ကြေးဘတ် ၈ သိန်းကျော်ရတာပါ။သူဌေးကစဖြစ်ဖြစ်ချင်းမှာတော့အလုပ်သမားမှာပန်ကန်ရှိတော့ပန်ကန်ကိုအကြောင်းကြားလိုက်တယ်။
အဓိကအားနည်းချက်ကတော့စက်ရုံကမြန်မာစကားပြန်တွေပေါ့ သူတို့ကဆက်လက်ပြီးဘာသာမပြန်ပေးတော့ဘူး။ဆေးရုံရက်ချိန်းတွေကိုမပို့ပေးတော့ဘူး။ဒါမျိုးတွေဖြစ် တာ။အဲ့ဒီအတွက်ကျွန်တော်တို့တွေကိုအကူအညီတောင်းတယ်။ကျွန်တော်တို့တွေကဆေးရုံကိုပို့ပေးတယ် ။ပန်ကန်စခွန်ကိုအကြောင်းကြားတာတွေလုပ်တယ် ဆုံးရှုံးသွားတဲ့လက်တိုင်းထွာတာကအစကျွန်တော်တို့ကူညီဆောင်ရွက်ခဲ့ပါတယ်”လို့ WAG အလုပ်သမားမဟာမိတ်အဖွဲ့ခေါင်းဆောင်ကိုမုန်တိုင်းကပြောပါတယ်။
ကိုအောင်ကိုဝင်းရဲ့လက်ကောက်ဝတ်ဆုံးရှုံးခဲ့ရမှုအပေါ် နစ်နာကြေးပေးရန် စက်ရုံဘက်မှ
တာဝန်ယူခြင်းမရှိသည့်အတွက် WAG အလုပ်သမားမဟာမိတ်အဖွဲ့သို့ စက်တင်ဘာ၁၂ရက်တွင်အကူအညီတောင်းခံခဲ့ခြင်းဖြစ်ကြောင်းသိရပါတယ်။
"လျော်ကြေးငွေဘတ်ရှစ်သိန်းကျော်ရပါတယ်။အခုလိုကူညီပေးလို့လည်း ရာခိုင်နှုန်းအနေနဲ့ယူတယ်ဆိုတာမျိုး WAG အဖွဲ့မှာမရှိပါဘူး။WAG ရုံးမှာအခုမှီခိုနေထိုင်ခဲ့ရတဲ့အပေါ်လည်းအခကြေးငွေယူတာမရှိပါဘူး"လို့ကိုအောင်ကိုဝင်းကပြောပါတယ်။
