ထိုင်းနိုင်ငံ ရှိ သီးနှံထုပ်ပိုးစက်ရုံ ကို MOU ဖြင့် တရားဝင် အလုပ်လုပ်ရန် အတွက် မြန်မာနိုင်ငံမှ စာချုပ်ချုပ်ပြီး လာရောက်ပေမယ့် အလုပ်မရတဲ့ အပြင် အေဂျင်စီ မှ လွှတ်ထားတဲ့ ပွဲစားက အလုပ်ရှာပေးမယ်ဆိုကာ အလုပ်သမားတစ်ဦး ကို ဘတ် ၇၅၀၀ ထပ်တောင်းပြီး အလုပ်ရှာမပေးဘဲ တိမ်းရှောင်နေတယ်လို့ ၎င်းအလုပ်သမားတွေက Myanmar Labour News ကို ပြောပါတယ်။ 

ထိုင်းနိုင်ငံလော့ဘူရီ(lopburi)မြို့ ရှိ သီးနှံထုပ်ပိုး စက်ရုံ ဆိုကာ မြောက်ဒဂုံပင်လုံအလုပ်သမားရုံးမှာ စာချုပ် ချုပ်ခဲ့ပြီး ပြီးခဲ့တဲ့ ဇူလိုင် လ ၂၉ရက် နေ့က ထိုင်းနိုင်ငံ ကိုရောက်ရှိခဲ့ ပြီး လက်ရှိ အချိန်ထိ အလုပ်မရရှိသေးဘဲ မိမိစားရိတ် မိမိစားကာနေထိုင်နေရတဲ့ အတွက် အလုပ်သမားတွေမှာ အခက်ခဲ တွေ ဖြစ်နေတယ်လို့ ဆိုပါတယ်။ 

""ကျွန်မတို့ လေယာဉ် တတ်ခါနီး နှစ်ရက်အလို မှ အခု စာချုပ် က R စာချုပ် ဆိုပြီး ပြောတယ် သူတို့ ပြောတဲ့  R ချုပ် ဘာညာ ကျွန်မတို့သိတာ မဟုတ်ဘူး တရားဝင် MOU နဲ့ သွားချင်လို့ တရားဝင် လမ်းကြောင်းကနေ အလုပ်သမားဝန်ကြီးဌာန သတ်မှတ်တဲ့ အတိုင်း စာချုပ်ချုပ် ပြီး အခုသစ်သီးထုပ်ပိုးစက်ရုံ ကို ရောက်ဖို့ပဲရည်ရွယ်ခဲ့တာ စာချုပ်ချုပ်တော့ တစ်ဦးကိုကျပ် သိန်း၄၀ စမတ်ကြေးမပြည့်လို့ဆိုပြီး ဘတ်၂၀၀နဲ့ငွေကျပ် ငါးသောင်း ထပ်ပေးရတယ် လေယာဉ်လက်မှတ်ဖိုးလဲ ၇သိန်းကျပ်ထပ်ပေးရတယ် ထိုင်းဘက်ကိုရောက်တော့ အလုပ်လဲ မရဘူး အေဂျင်စီ ကို ပြောတော့ လဲ ဟိုနေ့ဒီနေ့ နဲ့ နှစ်လ ကျော်ပြီ ကျွန်မတို့ဘာသာ အိမ်ငှားနေရတယ် ကိုယ့်ပိုက်ဆံ ကိုယ်ဝယ်စားရတယ် ကျွန်မတို့ စာချုပ်ချုပ်ပြီးလာတာ ၄၇ယောက် ဒီဘက်ရောက်တော့ အလုပ်ကမရ အခက်ခဲတွေ ဖြစ်ပြီး အချို့က သူတို့အဆင်ပြေမယ့် နေရာတွေ ပြောင်းသွားကျတယ် ၊ကျွန်မတို့က အဆက်သွယ်လည်းမရှိတော့ အေဂျင်စီ က လွှတ်ထားတဲ့ ပွဲစားက အလုပ်ရှာပေးမယ် ဘတ် ၇၅၀၀ ပေးရမယ်ဆိုလို့ အိမ်ကနေ မရှိရှိတာ လှမ်းလွှဲခိုင်းပြီး သူ့ကို ပေးလိုက်တာ အခု ဟိုနေ့ရမယ် ဒီနေ့ ရမယ်ဆိုပြီး ရှောင်နေတယ်""လို့ အခက်ခဲဖြစ်နေသူအလုပ်သမားတစ်ဦးကပြောပါတယ်။ 

လတ်တလောမှာ နေထိုင်စားသောက်ရေးအခက်ခဲ ဖြစ်နေတဲ့ အတွက်  မြန်မာအလုပ်သမား ၅ဦး မှာ AAC-မဟာမိတ်အဖွဲ့ ထံ အကူညီ တောင်းခံ ကာ ၎င်းဂေဟာမှာ နေထိုင်နေရတယ်လို့ သိရပါတယ်။ 

""MOU. နဲ့ တရားဝင် အလုပ်လာလုပ်တာလေ Rချုပ် ဆိုတာ မှ မရှိတာ ဒါကို အလုပ်မပေးတဲ့ အပြင် အေဂျင်စီက လွှတ်ထားတဲ့ ပွဲစားက အလုပ်ရှာပေးမယ်ဆိုပြီး အလုပ်သမားတွေ ဆီက ပိုက်ဆံ တွေ ထပ်တောင်းသွားသေးတယ် အတော်လေး လူမဆန်တဲ့လုပ်ရက်ပါ အေဂျင်စီ ကိုလည်း လာရှင်းပေးဖို့ အသိပေးထားပါတယ်""လို့AAC မဟာမိတ် အဖွဲ့ မှ တာဝန်ရှိသူတစ်ဦးကပြောပါတယ်။ 

ယခုကဲ့ သို့ MOU ဖြင့် ထိုင်းနိုင်ငံသို့တရားဝင် အလုပ်လုပ်ရန် အတွက် မြန်မာအလုပ်သမားတွေ စာချုပ်ချုပ်ဆိုပြီး လာပေမယ့် ထိုင်းနိုင်ငံ ဘက်ရောက်ရှိချိန်တွင်  အလုပ်မရရှိဘဲ အခက်အခဲ ဖြစ်နေတဲ့ အလုပ်သမားများစွာ ရှိနေတယ်လို့ ထိုင်းရောက်မြန်မာအလုပ်သမားအရေးကူညီသူတွေထံက သိရပါတယ်။ 

Application - https://bit.ly/3oNDLga

Website Link - https://www.myanmarlabournews.com

Telegram Link - https://t.me/myanmarlabournews 

#MyanmarLabourNews