နိုင်ငံကူးလက်မှတ် သက်တမ်းတိုးမြှင့်တဲ့ ကိစ္စရပ်များနဲ့ ပက်သက်ပြီး အတုအပပြုလုပ်ထားတဲ့ တရားမဝင် တံဆိပ်တုံးတွေ ကို အသုံးပြုကာ နိုင်ငံကူးလက်မှတ် ပြုလုပ်ပေးတာနဲ့ကိုင်ဆောင်တာတွေ ကို တွေ့ရှိပါက ဥပဒေအရ အရေးယူမယ်လို့ တောင်ကိုရီးယားနိုင်ငံ ဆိုးလ်မြို့ရှိ မြန်မာသံရုံးက အသိပေးကြေညာထားပါတယ်။

 

တံဆိပ်တုံး အတုဖြင့် နိုင်ငံကူးလက်မှတ် ကဲ့သို့ တရားမဝင် လုပ်ဆောင်ပေးခြင်း ကိုင်ဆောင် အသုံးပြုတာတွေ ရှိနေတယ်လို့ သံရုံးရဲ့ ထုတ်ပြန်ချက်မှာ ဖေါ်ပြထားပါတယ်။

 

ဒါကြောင့် တောင်ကိုးရီးယားရောက်ရှိနေတဲ့ မြန်မာနိုင်ငံသားတွေ အနေနဲ့ တရားမဝင် တံဆိပ်တုံးအတုတွေ ကို အသုံးပြုပြီး သက်တမ်းတိုးထားတဲ့ နိုင်ငံကူးလက်မှတ်ကိုင်ဆောင်တာကို သတိပြုရှောင်ရှား ရန် မြန်မာနိုင်ငံကူးလက်မှတ် ကိုင်ဆောင်အသုံးပြုရာမှာ သတိပြုရန်အချက်တွေကို လိုက်နာနိုင်စေရန် မသမာသူတွေရဲ့ စည်းရုံးသိမ်းသွင်းမှုကို သတိပြုရှောင်ရှားနိုင်စေဖို့သံရုံးက အသိပေးထားပါတယ်။

 

နိုင်ငံကူးလက်မှတ် ကိုင်ဆောင်အသုံးပြုခြင်းဆိုင်ရာ စည်းကမ်းတွေကို ဖောက်ဖျက်မိပါက မိခင်နိုင်ငံနဲ့ အိမ်ရှင်နိုင်ငံတို့က ဥပဒေအရ အရေးယူခံရနိုင်ပြီး စိစစ်တွေ့ရှိပါက နိုင်ငံကူးလက်မှတ်ကို ဖျက်သိမ်းခြင်းနဲ့ အမည်မည်းစာရင်းသွင်းတာတွေကို လုပ်ဆောင်မယ်လို့ သံရုံးရဲ့ ကြေညာချက်မှာ ဖော်ပြထားပါတယ်။