တောင်ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီ (POEA) မှတစ်ဆင့် EPS စနစ်ဖြင့် မြန်မာလုပ်သားသစ် ၁၄၇ဦးကို ဖေဖေါ်ဝါရီ၁၂ရက်နေ့က ထပ်မံ စေလွှတ်ခဲ့တယ်လို့ ကိုရီးယားနိုင်ငံဆိုင်ရာမြန်မာသံရုံးရဲ့ ထုတ်ပြန်ချက်အရ သိရပါတယ်။
မြန်မာလုပ်သားသစ် ၁၄၇ ဦး တွင်
ကုန်ထုတ်လုပ်ငန်း အတွက် လုပ်သား၁၂၉ဦး၊သစ်တောလုပ်ငန်းအတွက် ၁၉ဦး၊ ဆောက်လုပ်ရေးလုပ်ငန်း အတွက်လုပ်သား၈ဦး တို့ ဖြစ်တယ်လို့ ဆိုပါတယ်။
၂၀၂၅ခုနှစ် အတွင်း တောင်ကိုရီးယားနိုင်ငံသို့ EPS စနစ်ဖြင့် မြန်မာအလုပ်သမားသစ်စေလွှတ် မှု မှာ လက်ရှိ အကြိမ်မှာ ဒုတိယအကြိမ် ဖြစ်ပြီး ဇန်နဝါရီလ ၁၅ ရက်က ပထမအကြိမ် အဖြစ် မြန်မာအလုပ်သမားသစ် ၁၄၄ဦး စေလွှတ်ခဲ့ကြောင်းသိရပါတယ်။
တောင်ကိုရီးယားနိုင်ငံအနေနဲ့ယခုနှစ် အတွင်း မြန်မာအပါအဝင် နိုင်ငံခြားသာအလုပ်သမား၂၀၀၀၀ကျော် ခေါ်ဖို့ရှိတယ်လို့ ကိုရီးယားသတင်းတွေအရသိရပါတယ်။
မြန်မာနိုင်ငံကနေ တောင်ကိုရီးယားနိုင်ငံကို နှစ်စဉ်လုပ်သား ၁၀၀၀၀ ခန့် စေလွှတ်နေတာ ဖြစ်ပြီး ကိုရီးယားနိုင်ငံ အတွင်း အလုပ်လုပ်ကိုင်နေတဲ့ မြန်မာအလုပ်သမား ၇၀၀၀၀ ကျော် ရှိတယ်လို့ သိရပါတယ်။
