တောင်ကိုရီးယား နိုင်ငံ ကို EPSစနစ် နဲ့ မြန်မာလုပ်သား လုပ်သား ၇၀၀ကျော် စေလွှတ် ထားတယ်လို့ မြန်မာသံရုံးဆိုးလ်မြို့ရဲ့ ထုတ်ပြန်ထားတဲ့စာရင်းတွေ အရ သိရပါတယ်။ မြန်မာလုပ်သားတွေကို ၂၀၂၅ခုနှစ်ဇန်နဝါရီလ ကနေ မေလ အထိ ၅ လ အတွင်း စေလွှတ်ထားတာဖြစ် ပါတယ်။
၂၀၂၅ခုနှစ် ဇန်နဝါရီလမှာ ၁၄၄ဦး၊ဖေဖေါ်ဝါရီလ မှာ ၁၄၇ဦး၊မတ်လမှာ ပထမဆုံး အမျိုးသမီး လုပ်သားတစ်ဦးအပါ ဝင် ၁၂၄ဦး ၊ဧပြီ လမှာ ၁၈၂ဦး၊အခု မေလ ၂၈ရက်မှာတော့ ကုန်ထုတ်လုပ်သား ၁၄၆ ဦး စုစုပေါင်း ၇၄၃ဦး စေလွှတ်ထားပါတယ်။
တောင်ကိုရီးယားနိုင်ငံကို အစိုးရပြည်ပအလုပ်အကိုင်အေဂျင်စီတွေက တဆင့် လုပ်သားစေလွှတ်တာ ဖြစ်ပြီး အမျိုးသား လုပ်သား အများဆုံး စေလွှတ်ထားတာ ဖြစ်ပါတယ်။ ဒါ့အပြင် တခြားနိုင်ငံအတွက် အမျိုးသားလုပ်သားပို့ဆောင်သလို အသက်ကန့်သက်ချက် မရှိသေးဘူးလို့ သိရပါတယ်။
"" ကိုရီယား EPS က အမျိုးသား လုပ်သားတွေ ကို အသက် ၁၈-၃၅ ကန့်သက်တာ မျိုး မရှိသေးပါဘူး။ စာမေးပွဲအောင်မယ် ၊ အင်တာဗျူးအောင်တယ်ဆိုရင် သွားလို့ရပါတယ်။"လို့ ကိုရီးယားဘာသာစကားသင်တန်းကျောင်း တာဝန်ရှိသူတစ်ဦးက ပြောပါတယ်။
တောင်ကိုရီးယား နိုင်ငံက အခုနှစ် အတွင်း မြန်မာအပါအဝင် နိုင်ငံခြားသား လုပ်သား ၂၀၀၀၀ကျော် ခေါ်ယူဖို့ စီစဉ်ထားကြောင်း ကိုရီးယားသတင်းတွေအရ သိရပါတယ်။
