တောင်ကိုရီးယားရောက် မြန်မာနိုင်ငံသား တွေ ရင်ဆိုင်နေရတဲ့ ဗီဇာအခက်ခဲ အတွက် တောင်ကိုရီးယား လွှတ်တော်မှာ ဆွေးနွေးသွားဖို့ရှိတယ်လို့တောင်က်ိုရီးယားဆိုင်ရာ NUG ကိုယ်စားလှယ်ရုံး က ထုတ်ပြန်ထားပါတယ်။
ပြီးခဲ့တဲ့ ဖေဖေါ်ဝါရီ ၃ ရက် က ကိုရီးယားလွှတ်တော် အစည်းဝေးခန်းမ ၂၀၉ တွင်"ကိုရီးယား ဒီမိုကရေစီ အကျပ်အတည်းမှ ရုန်းထရေးအတွက် မြန်မာ့နွေဦးတော်လှန်ရေးမှ မျှော်လင့်ချက်" ခေါင်းစဉ်ဖြင့် ဆွေးနွေးပွဲကျင်းပခဲ့ တာမှာ မြန်မာနိုင်ငံသားတွေရင်ဆိုင်နေရတဲ့ ဗီဇာအခက်ခဲ နဲ့ ပက်သက်ပြီး တောင်ကိုရီးယားလွှတ်တော် အမတ်များက လွှတ်တော် အတွင်း ဆွေးနွေးမယ်လို့ တောင်ကိုရီးယားလွှတ်တော်အမတ် အီယုန်ဆွန်း ကပြောကြားခဲ့တာ ဖြစ်တယ်လို့ သိရပါတယ်။
အထူးသဖြင့် ကိုရီးယားရောက် တော်လှန်ရေး လုပ်နေသူတွေကို ပတ်စပို့သက်တမ်းအခက်အခဲ ၊ယာယီနေထိုင်သူတွေနဲ့ တရားဝင် အလုပ်လုပ်ခွင့် အခက်ခဲ တွေ နဲ့ စစ်မှုထမ်းဥပဒေကြောင့် မိခင် နိုင်ငံ ကို မပြန်ရဲ တဲ့ အခက်ခဲ တွေ ကို ယခု အစည်းအဝေးမှာ ဆွေးနွေးခဲ့ကြတယ်လို့ သိရပါတယ်။
ယခုဆွေးနွေးပွဲ ကို တောင်ကိုရီးယားနိုင်ငံဆိုင်ရာ NUG ကိုယ်စားလှယ် ဦးရန်နိုင်ထွန်းနှင့် NUGရုံးတာ၀န်ခံများ၊ MFDMC ဥက္ကဌဦးဇော်မိုးအောင်နှင့် MFDMCတာ၀န်ခံများ တက်ရောက်ကြတယ်လို့ သိရပါတယ်။
