တောင်တရုတ် ပင်လယ်ပြင်မှာဖြစ်ပေါ်နေတဲ့ အပူပိုင်းမုန်တိုင်း "ကဂျိကိ" (Kajiki)ရဲ့အရှိန်ကြောင့် တိုင်းဒေသကြီးနဲ့ပြည်နယ်တွေမှာ မိုးထစ်ချုန်းရွာပြီး အချို့နေရာတွေမှာ မိုးကြီးနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန က ဩဂုတ်၂၅ရက်မှာထုတ်ပြန်ပါတယ်။
ကပ္ပလီပင်လယ်ပြင်နဲ့ဘင်္ဂလားပင်လယ်အော်တောင်ပိုင်း တို့မှာ မုတ်သုံလေအားကောင်းနေပြီး ကျန်ဘင်္ဂလားပင်ဘယ်အော်မှာ မှာ မုတ်သုံလေ အားအသင့်တင့်မှအားကောင်းနေတယ်လို့ ဆိုပါတယ်။
ထူးခြားချက်အနေနဲ့ ယနေ့မနက်၉နာရီခွဲ အချိန်တိုင်းတာ ချက်အရ တောင်တရုတ်ပင်လယ်ပြင်မှာဖြစ်ပေါ်နေတဲ့ အပူပိုင်းမုန်တိုင်း "ကဂျိကိ" (Kajiki) ဟာ အနောက်ဘက်သိုရွေ့လျား နိုင်ပြီးနောက်၁၂နာရီ အတွင်း ဗီယမ်နမ်နိုင်ငံအထက်ပိုင်းဒေသ ကိုလည်းကောင်း၊ နောက်၂၄နာရီမှာ လာအိုနိုင်ငံ အထက်ပိုင်းဒေသများ ကို လည်းကောင်းဖြတ်ကျော်နိုင်မယ် လို့ ခန့်မှန်းကြောင်း ထုတ်ပြန်ထားပါတယ်။
ဒါကြောင့် ရန်ကုန်မှတနင်္သာရီ ကန်ရိုးတမ်းတစ်လျှောက် ယခုမွန်းတည့်မှ စပြီး ၂၄နာရီ အတွင်း နေရာအနှံမိုးထစ်ချုန်းရွာပြီးနေရာကွက်၍ မိုးကြီးမယ်လို့ သတိပေးထားပါတယ်။
ဖြစ်ပေါ်လာနိုင်မယ့် လေဖိအားနည်းရပ်ဝန်းရဲ့အရှိန်တွေကြောင့် မြန်မာနိုင်ငံရဲ့ တိုင်းနဲ့ပြည်နယ်တချို့မှာ ဩဂုတ် ၂၆ ရက်ကနေ ၂၉ ရက်အထိ နေရာကွက်မိုးကြီးနိုင်တယ်လို့ဆိုပါတယ်။
မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တွေမှာလည်း တစ်ခါတစ်ရံ မိုးသက်လေပြင်း တွေ ကျရောက်ပြီး ၊ လှိုင်းကြီးနိုင်တယ်လို့ဆိုပါတယ်။
မိုးသည်းထန်စွာရွာသွန်းတာ နဲ့ အတူ လေပြင်းတိုက်ခတ်တာ ၊ မိုးထစ်ချုန်းတာ ၊ မိုးကြိုးပစ်တာ ၊ လျှပ်စီးလက်တာ၊ မိုးသီးကြွေတာ၊ လျှပ်တစ်ပြက်ရေကြီးတာနဲ့ မြေပြိုတာ စတဲ့ သဘာဝဘေးအန္တရာယ်တွေ ဖြစ်ပေါ်နိုင်လို့သတိပြုဖို့ကိုလည်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသတိပေးထားပါတယ်။
ထိုင်းမိုးလေဝသဌာနကလည်း အပူပိုင်းမုန်တိုင်း ကဂျိကိ" (Kajiki) နဲ့ပက်သက်ပြီး ထိုင်းနိုင်ငံအတွင်း မိုးသည်းထန်စွာရွာသွန်းနိုင်တဲ့ အတွက်ပြည်နယ် ၃၅ခု ကို သတိပေးချက် ထုတ်ပြန်ထားပါတယ်။
