ထိုင်းနိုင်ငံ တာ့ခ်ခရိုင်၊ ဖုတ်ဖရာမြို့နယ် ဘန်မိုကိုထိုင်းဒေသတစ်ဝိုက်သို့ နယ်စပ်လမ်းကြောင်းမှတစ်ဆင့် တရားမဝင်ဝင်ရောက်လာသည့် မြန်မာ၂၃ဦးကို ဖမ်းဆီးရမိခဲ့ကြောင်း (Naresuan Force's Rajmanoo Task Force)ကယနေ့အောက်တိုဘာ ၁၇ ရက်မှာသတင်းထုတ်ပြန်ထားပါတယ်။

 

နယ်ခြားစောင့်တပ်ဖွဲ့ဝင်များနှင့်ဖုတ်ဖရာရဲစခန်းတာဝန်ရှိသူများနှင့်အုပ်ချုပ်ရေးအဖွဲ့ဝင်များပူးပေါင်းကင်းလှည့်နေစဥ် ဝါလေတိုင် -မော်ကဲလ်ထိုင်းကျေးရွာအနီးမှာ သံသယဖြစ်ဖွယ်ကားနှစ်စီးကိုရပ်တန့်စစ်ဆေးခဲ့ရာမှာမြန်မာအလုပ်သမားများအဖမ်းခံခဲ့ရခြင်းဖြစ်ပါတယ်။

 

အဆိုပါကားနှစ်စီးအားမသက်ာသဖြင့်စစ်ဆေးရာမှ တရားမဝင်ဝင်ရောက်လာသောမြန်မာနိုင်ငံသား အမျိုးသား ၁၈ဦးနှင့်အမျိုးသမီး၅ဦးတို့ကို ထိုင်းနိုင်ငံသားယာဥ်မောင်းနှစ်ဦးနှင့်အတူဖမ်းဆီးရမိခဲ့ခြင်းဖြစ်ပါတယ်။

 

မြန်မာအပါအဝင် လာအို၊ကမ္ဘောဒီးယား၊ဗီယက်နမ်နိုင်ငံများမှထိုင်းနိုင်ငံတွင် အခြေခံအလုပ်သမားအဖြစ် တရားမဝင်လာရောက်လုပ်ကိုင်နေသူများအား တရားဝင်စေရန်ထုတ်ပေးသည့် ဘတ် ၊ပန်းရောင်ကဒ်ပြုလုပ်ပေးရန်အောက်တိုဘာ ၁၅ရက်နေ့စတင်မည်ဖြစ်ကြောင်းထိုင်းအစိုးရမှကြေညာပြီးနောက် အောက်တိုဘာ၁၆ရက်တွင် ထိလွယ်ခိုက်လွယ်တဲ့ နယ်စပ်ပြသနာကြောင့် ဘတ် ခေါ် ပန်းရောင်ကဒ်ပြုလုပ်ခြင်းကိုယာယီရွှေ့ဆိုင်းထားချိန်ဖြစ်သောကြောင့် ထိုင်းနိုင်ငံအတွင်းအဖမ်းအဆီးများပိုမိုတင်းကျပ်လာနိုင်ကြောင်း အလုပ်သမားအရေးကူညီဆောင်ရွက်သူများမှသိရပါတယ်။