NEWS

တရားမဝင် မြန်မာရွှေ့ပြောင်းလုပ်သား ၈ ​သောင်းကျော် အဖမ်းခံရ

CoverLogo
139 Views

ထိုင်းနိုင်ငံ အတွင်းမှာ  တရားမဝင် နိုင်ငံခြားသား အလုပ်သမားတွေ ကို စီမံချက်နဲ့ ထိုင်းအာဏာပိုင်တွေ က ဖမ်းဆီးတာ မှာ တစ်လကျော် အတွင်း တရားမဝင် မြန်မာရွှေ့ပြောင်း လုပ်သား ၈၀၀၀၀ ကျော် အဖမ်းခံရတယ် လို့  ထိုင်းအလုပ်သမားဝန်ကြီးဌာနသတင်းထုတ်ပြန်ချက်နဲ့ထိုင်းသတင်းဌာနတွေ ထံ က သိရပါတယ်။ 


ရက်ပေါင်း ၁၂၀ စီမံချက် နဲ့ ဇွန်လ ၅ရက်မှ ဇူလိုင် ၁၁ ရက်နေ့ထိ ရက်ပေါင်း ၃၆ အတွင်းတရားမဝင်
ရွှေ့ပြောင်းအလုပ်သမား စုစုပေါင်း ၁၀၈,၈၇၅ ဦးဖမ်းဆီးရမိခဲ့တယ်လို့သိရပါတယ်။ 


ဖမ်းဆီးရမိတဲ့  နိုင်ငံအလိုက်အလုပ်သမားတွေမှာ   မြန်မာအလုပ်သမား ၈၀,၉၁၃ ဦး ၊ ကမ္ဘောဒီးယားအလုပ်သမား ၁၆,၅၀၇ ဦး ၊ လာအိုအလုပ်သမား၇,၈၀၄ ဦး ၊ ဗီယက်နမ်အလုပ်သမား၁၀၄  ဦး နှင့် အခြားနိုင်ငံသားအလုပ်သမား၃,၅၄၇ဦးဖြစ်တယ်လို့ ဆိုပါတယ်။ 


၎င်း အဖမ်းခံရတဲ့ အလုပ်သမားတွေထဲ မှ  မြန်မာအလုပ်သမား ၄၇၃ ဦး၊ လာအိုအလုပ်သမား ၁၀၁ ဦး ၊ကမ္ဘောဒီးယားအလုပ်သမား ၇၄ ဦး ၊ ဗီယက်နမ်အလုပ်သမား ၁၄ ဦး၊ အခြားနိုင်ငံ သား ၆၄ ဦးတို့ကို အရေးယူဆောင်ရွက်ပြီးသွားပြီဖြစ်တယ်လို့သိရပါတယ်။ 


အလုပ်လုပ်ကိုင်ခွင့် ဝေါ့ပါမက်မရှိတဲ့အလုပ်သမားနဲ့ လုပ်ကိုင်ခွင့်မရှိတဲ့  အလုပ်အမျိုးအစား တွေ မှာ လုပ်ကိုင်တဲ့ အလုပ်သမားတွေကို  ဒဏ်ငွေ ဘတ် ၅,၀၀၀ မှ ၅၀,၀၀၀ ထိပေးဆောင်ရမှာ ဖြစ်ကာ နေရပ် ပြန်ပို့ခံရပြီး ထိုင်းနိုင်ငံမှာ အလုပ်လုပ်ကိုင်ခွင့် (၂)နှစ်ပိတ်ခံရမှာ ဖြစ်ပါတယ်။ 


အလုပ်လုပ်ကိုင်ခွင့်မရှိတဲ့  အလုပ်သမားကိုလက်ခံတဲ့ အလုပ်ရှင်အနေနဲ့  အလုပ်သမားတဦးကို ဘတ် ၁၀,၀၀၀ မှ ၁၀၀,၀၀၀ထိ ဒဏ်ငွေပေးဆောင်ရမှာ ဖြစ်ကာ  ထပ်မံကျူးလွန်မှု တွေ့ရှိပါက ထောင်ဒဏ်အများဆုံး ၁ နှစ် နှင့် ဘတ်ငွေ ၅၀,၀၀၀ မှ ၂၀၀,၀၀၀ ထိ ပေးဆောင်ရပြီးရွှေ့ပြောင်း အလုပ်သမားငှားရမ်းခွင့် ၃ နှစ် ပိတ်ခံရမှာ ဖြစ်တယ်လို့ထိုင်းအလုပ်သမားဝန်ကြီးဌာနက ထုတ်ပြန်ထားပါတယ်။ 


Related posts

Cover
လုပ်ငန်းခွင်မတော်တဆမှု ကြောင့်လက်ချောင်း ၄ ချောင်းပြတ်သွားသည့် မြန်မာအလုပ်သမား နစ်နာကြေးဘတ် ၄ သိန်းကျော် ရရှိ
Sep 07, 2024
Cover
ထိုင်းရောက်မြန်မာ အလုပ်သမားဇနီးမောင်နှံ ထိုင်းထီဘတ် ၆ သန်း ဆု ဆွတ်ခူး
Sep 02, 2024
Cover
မ​လေးရှားမှာ အထောက်အထားမပြည့်စုံတဲ့  မြန်မာအလုပ်သမား ၁၂ဦး အဖမ်းခံရ
Sep 02, 2024
Cover
ပြည်ပရှိ စစ်​ကောင်စီ မြန်မာသံရုံးများတွင် နိုင်ငံကူးလက်မှတ် စာအုပ် ဖိုး နှုန်းထားတွေ တိုးမြှင့်ကောက်
Sep 02, 2024
Cover
အသက်၁၈ မှ အသက် ၃၅ နှစ်အထိ အမျိုးသားတွေကို ကော့သောင်း-ရနောင်း ဂိတ်မှ နယ်စပ်ဖြတ်ကျော်ခွင့်လက်မှတ်နဲ့ ထိုင်းနိုင်ငံဘက်သွားရောက်ခွင့်ပိတ်လိုက်ပြီဟုဆို
Sep 02, 2024
Cover
အလုပ်ရှာပေးမယ်ဆိုကာ ငွေလိမ်ပြီး စွန့်ပစ်သွားလို့ မြန်မာအလုပ်သမား ၁၂ ဦး ဒုက္ခရောက်
Aug 30, 2024
Cover
ကိုရီးယားရောက်မြန်မာနိုင်ငံသားတစ်ဦး အခက်အခဲဖြစ်နေပြီး သိရှိသူများ ဆက်သွယ်ပေးဖို့ မြန်မာသံရုံး မေတ္တာရပ်ခံထား
Aug 30, 2024
Cover
မြေအောက်ရထားလမ်းဥမင်လှိုင်ခေါင်းပြိုကျရာ ပိတ်မိ​နေတဲ့ မြန်မာအလုပ်သမား သေဆုံးလျက် ပြန်ရှာတွေ့
Aug 29, 2024