ထိုင်းနိုင်ငံ အတွင်းသို့ တရားမဝင် ဝင်ရောက်ဖို့ ဓါတ်မြေဩဇာ အိတ်များ သယ်ဆောင်လာတဲ့ ကား အတွင်း ပုန်းအောင်လိုက်ပါလာတဲ့ မြန်မာအလုပ်သမား ၁၅ဦး ဖမ်းဆီးခံရတယ်လို့ ထိုင်းဒေသတွင်းသတင်းတွေအရသိရပါတယ်။
ဖေဖေါ်ဝါရီ ၁၈ရက် နံနက်ပိုင်း မှာ ကန်ကျနဘူရီခရိုင် အတွင်းရှိ စစ်ဆေးရေးဂိတ်မှာ ထိုင်းအာဏာပိုင်တွေက မြန်မာနိုင်ငံဘက် ရေနံ(စက်သုံးဆီ) တင်ပို့မှု ရှိမရှိ ဖြတ်သန်းသွားလာတဲ့ယာဉ်တွေ ကို စစ်ဆေးမှု တွေ ပြုလုပ်နေစဉ် မှာ ကုန်တင်ယာဉ် အဖြူရောင် ရဲ့ နောက် တွင် ဓါတ်မြေဩဇာအိတ်များနဲ့ ဖုံးကွယ်ထားကာ လိုက်ပါလာတဲ့ မြန်မာ ရွှေ့ပြောင်းလုပ်သား ၁၅ဦး ကို တွေ့ရှိခဲ့တာဖြစ်တယ်လို့ ဆိုပါတယ်။
အမျိုးသား ၁၀ ဦးနဲ့ အမျိုးသမီး ၅ဦးတို့မှာ ၎င်းကားအနောက်မှာ ပုန်းအောင်းလိုက်ပါလာတယ်လို့ သိရပါတယ်။
မြန်မာအလုပ်သမား ၁၅ဦးနဲ့ ကားသမား တို့ကို ဖမ်းဆီးထိန်းသိမ်းခဲ့ပြီးလဝကဥပဒေ ဖြင့် အရေးယူ ရန် sangkhlaburi ရဲစခန်း ကို ပို့ဆောင်ခဲ့တယ်လို့ သိရပါတယ်။
၂၀၂၅ခုနှစ် နှစ်စ မှ စပြီး လက်ရှိအချိန်ထိ ထိုင်းနိုင်ငံ ဘက်ကို တရားမဝင် နယ်စပ်ဖြတ်ကျော်လာတဲ့ မြန်မာအလုပ်သမားတွေ မှာ နေ့စဉ် နီးပါး ဖမ်းဆီးခံရတာတွေ ဖြစ်ပေါ်နေပါတယ်။
