ထိုင်းနိုင်ငံ၊ ကန်ချနာဘူရီခရိုင်အတွင်းသို့နယ်စပ်ဖြတ်ကျော်ကာ  တရားမဝင်ဝင်ရောက် လာတဲ့ မြန်မာအလုပ်သမား ၁၄ ဦး ကို မတ်လ ၄ ရက် မနက်ပိုင်းမှာ ဖမ်းမိခဲ့ တယ်လို့ ထိုင်းသတင်းတွေရဲ့ဖေါ်ပြချက်အရသိရပါတယ်။ 

မြန်မာနိုင်ငံသား ၁၄ ဦး ကို  ပစ်ကပ်ထရပ်ကားရဲ့ နောက်ခန်း မှာ အနက်ရောင် တာပေါ်လင် စ ဖြင့် ဖုံးအုပ် ထားပြီး ကျပ်သိပ်စွာ ထည့်သွင်း ခေါ်ဆောင်လာချိန်  လမ်းမှာ  ထိုင်းအာဏာပိုင်တွေက စစ်ဆေးဖို့ ဟန့်တားခဲ့တယ်လို့ ဆိုပါတယ်။ 

အခုလို ထိုင်းအာဏာပိုင်တွေက စစ်ဆေး ဟန့်တား ရာ မှာ   ယာဉ်မောင်း ဖြစ်သူက ယာဉ်ကိုစွန့်ခွာ ပြီး တောထဲ သို့ ထွက်ပြေး လွတ်မြောက်သွားတယ် လို့ သတင်းမှာဖေါ်ပြထားပါတယ်။ 

ဖမ်းဆီးခံရတဲ့ မြန်မာ အလုပ်သမားတွေ ကို ထိုင်းအာဏာပိုင်တွေ က စစ်ဆေးမေးမြန်းရာမှာ ထိုင်းနိုင်ငံအတွင်း ကို လာရောက် ဖို့ အတွကိ  ပွဲစား ဆိုသူ ကို  တစ်ဦး လျှင် ထိုင်းဘတ်ငွေ ၂၀၀၀၀ ( မြန်မာငွေ ၂၅ သိန်း၀န်းကျင်) စီပေးထားရတယ်လို့ ထွက်ဆိုထားပါတယ်။ 

ဖမ်းမိတဲ့  မြန်မာနိုင်ငံသား ၁၄ ဦးကိုတော့ ဥပဒေ အတိုင်း အရေးယူဆောင်ရွက် သွားမယ်လို့ သိရပါတယ်။ 

ထိုင်းနိုင်ငံ ကန်ချနာဘူရီခရိုင် အတွင်း   တရားမဝင် နယ်စပ်ဖြတ်ကျော် ဝင်ရောက် လာတဲ့ မြန်မာအလုပ်သမား တွေ  မကြာခဏ  ဖမ်းမိခံရပေမယ့်   ပို့ဆောင်ပေးတဲ့ ပွဲစား နဲ့ ယာဉ်မောင်းတွေ ဖမ်းမိတာ အလွန်နည်းကြောင်း ထိုင်းသတင်းတွေရဲ့ ဖေါ်ပြချက်အရ သိရပါတယ်။ 

Ref-Matchion Online