မေလ ၂၅ ရက် နံနက် ၁နာရီ ဝန်းကျင်က ကမ်းပါးပြိုကျခဲ့ခြင်း ဖြစ်ပေါ်ခဲ့ ကာ နေအိမ်တွေ ပြိုကျပြီး ရေထဲ မျောပါခဲ့ပေမယ့် သေဆုံး ထိခိုက်ဒဏ်ရာရသူမရှိဘူးလို့ ဒေသခံတွေ ထံ မှ သိရပါတယ်။

 

"ည ၁၂ခွဲ ကျော် လောက်ကြီး ကမ်းပါးပြို တာ လူတွေ အသိမြန်လို့ သေဆုံး ထိခိုက်တာမဖြစ်ဘူး အိမ်တွေက သစ်သားအိမ် တွေလည်းပါသလို ဝါးအိမ် တဲအိမ် တွေလည်း ပါတယ် အခု ပြိုကျနိုင်ခြေရှိတဲ့ အိမ်ခြေ ၃၀ကျော် လောက် က မနေ့ကတည်းက ဖျက်နေတာ အခု ထိပဲ ဖျက်ပြီး ရွှေ့ပြောင်းနေရတုန်းပဲ မီးသတ်တပ်ဖွဲ့တွေနဲ့ပရဟိတအသင်းကသူတွေကူညီဖျက်ပေး ရွှေ့ပြောင်းပေးပါတယ်""လို့ ဒေသခံတစ်ဦးကပြောပါတယ်။

 

မြစ်ကမ်းပါး ပြိုကျမှုကြောင့် နေအိမ် ရေထဲမျောပါ ဆုံးရှုံး ခဲ့ရတဲ့ သူတွေ ၊ ပြိုကျနိုင်ခြေရှိလို့ နေအိမ်ဖြိုဖျက် ပေးလိုက်ရတဲ့ ဒေသခံတွေ အတွက် နေထိုင် ဖို့ ကယ်ဆယ်စခန်း ဖွင့်ထားတာမျိုး မရှိဘဲ အဆောက်အဦး အလွတ်တွေနဲ့ ဆွေမျိုး၊ မိတ်ဆွေ တွေ ထံ မှာ ယာယီ နေထိုင်နေရတယ်လို့ ဒေသခံတွေကပြောပါတယ်။

 

မြစ်ကမ်းပါးပြိုကျမှုကြောင့် နေအိမ်တွေ ပျက်ဆီးဆုံးရှုံး တဲ့ဒေသခံ တွေ အတွက် လိုအပ်တဲ့စောင်ခြင်ထောင် အပါအဝင် အရေးပေါ်လိုအပ်တာ တွေ ကို ပရဟိတအသင်းတွေက အလှူရှင်တွေရဲ့ လှူဒါန်းထောက်ပံငွေ များနဲ့ ကူညီဆောင်ရွက်ပေးနေတယ်လို့ သိရပါတယ်။