ဂျပန်နိုင်ငံ ကို သွားရောက်ဖို့ အတွက် ရန်ကုန်ရှိ ဂျပန်သံရုံး မှာ ဗီဇာလျှောက်ထား ရာ မှာ တစ်ဦးချင်း အလိုက် ဗီဇာလျှောက်ထားတဲ့ သူတွေ ကို ဇူလိုင် ၁ရက် က စပြီး အွန်လိုင်းဘိုကင်စနစ် နဲ့ ဆောင်ရွက်ပေးတော့မယ်လို့ ဂျပန်သံရုံး က ကြေညာလိုက်ပါတယ်။
ဗီဇာလျှောက်ထားရာ မှာ အဆင်ပြေချောမွေ့စွာ ဆောင်ရွက်နိုင် ဖို့ လျှောက်ထားသူ တွေ အားလုံးထံမှ ပူးပေါင်းကူညီမှုကို ရရှိပေမယ့် လျှောက်ထားသူအရေအတွက်ဟာ ပိုမိုများပြားလာတဲ့ အတွက် ဇူလိုင်လ (၁) ရက်နေ့မှစတင်ပြီး အွန်လိုင်းဘိုကင်စနစ်ကို အသုံးပြုရတာဖြစ်တယ်လို့ဆိုပါတယ်။
အဖွဲ့အလိုက်မဟုတ်တဲ့ တစ်ဦးချင်းစီအလိုက် ဗီဇာလျှောက်ထားမယ့် သူတွေဟာ ဇူလိုင်လ (၁) ရက်နေ့မှစတင် ပြီး Facebook၊ Telegram နှင့် ဂျပန်သံရုံးအင်တာနက်စာမျက်နှာတွင် ဖော်ပြပေးမည့် URL ကို အသုံးပြုနိုင်မှာ ဖြစ်တယ်လို့ သိရပါတယ်။
ခရီးသွားကုမ္ပဏီတွေ အလုပ်သမားအေဂျင်စီ တွေ နဲ့ ဂျပန်စာသင်တန်းကျောင်းများစတဲ့ အဖွဲ့လိုက်လျှောက်ထားခြင်းများနှင့် ပတ်သက်၍လည်း ဇူလိုင်လ အလယ်ပိုင်း မှာ အွန်လိုင်းဘိုကင်လက်ခံခြင်းကို စတင်မယ့်ရက် အတည်ပြုပြီးပါက ထပ်မံအသိပေးကြေညာမယ်လို့ ဂျပန်သံရုံးက အသိပေးထားပါတယ်။
ကြိုတင်ဘိုကင်နှင့်ပတ်သက်ပြီး မေးမြန်းစုံစမ်းရန် အတွက် မြန်မာနိုင်ငံဆိုင်ရာ ဂျပန်သံရုံးတယ်လီဖုန်း ９５－１－５４９６４４～８အီးမေးလ် ryoji@yn.mofa.go.jp တို့ကနေစုံစမ်းနိုင်တယ်လို့ ကြောညာချက်မှာ ဖေါ်ပြထားပါတယ်။
