ထိုင်းနိုင်ငံ၊ ဘန်ကောက်မြို့၊ နခွန်ချိုင်စီ က (ဆောက်လုပ်ရေးလုပ်ငန်း)မှာ အလုပ်လုပ်နေတဲ့ မြန်မာ (MOU/CI/ဘတ်မဲ့) အလုပ်သမား ၃၀ ဦးမှာလုပ်အားခပုံမှန်မရတာကြောင့် WAG အလုပ်သမားမဟာမိတ်အဖွဲ့ထံ အကူညီတောင်းခံလာတာဖြစ်ပါတယ်။
အလုပ်သမားတွေ အနေနဲ့ အဆိုပါ ဆောက်လုပ်ရေးလုပ်ငန်းမှာ လုပ်သက်အများဆုံးသက်တမ်း၂နှစ်ရှိကြပြီး အလုပ်ရှင်အနေနဲ့ လုပ်အားခပုံမှန်မထုတ်ပေးခြင်း၊ လုပ်အားခအပြည့်အဝမပေးခြင်း ၊ရက်ပေါင် ၃၀ ရက်ယူခြင်း၊ အလုပ်သမားရဲ့ စာရွက်စာတမ်းများသိမ်းထားခြင်း၊ ဘတ်မရှိသောသူများကိုဘတ်ရိုက်ပေးမည်ဟုဆိုကာ ဘတ်နှစ်သောင်းကျော် ဖြတ်ထားကာ ဘတ်မလုပ်ပေးခြင်းတို့ ကြုံတွေ့နေရတာဖြစ်ပါတယ်။
"ဒီနေ့ ၁၅ ရက်နေ့ပိုက်ဆံထွက်တာစောင့်နေတာ။ဒီနေ့တကယ်လို့ပိုက်ဆံမထွက်ပေးဘူး ဘာတွေကျန် ညာတွေကျန် ဆိုတာမှ အဲ့ဒါတွေနဲ့ပါရောပြီးကျွန်တော်တို့အမှုကိုနယ်မြေခံ ဆာဝါဒီကန်ရုံးကိုတိုင်သွားမှာဖြစ်ပါတယ်” လို့ WAG အလုပ်သမားမဟာမိတ်အဖွဲ့ခေါင်းဆောင်ကိုမုန်တိုင်းကပြောပါတယ်။
အလုပ်သမား တွေရဲ့ အခွင့်အရေးချိုးဖောက်ခံနေရမှုနှင့်ပတ်သက်ပြီး ကူညီဖြေရှင်းပေးပါရန် WAG အလုပ်သမားမဟာမိတ်အဖွဲ့ထံ အကူညီတောင်းခံလာသဖြင့် အမှုကိုလက်ခံခဲ့ကြောင်း သိရပါတယ်။
