ထိုင်းနိုင်ငံ ချွန်ဘူရီခရိုင် စီလချာရှိ အလုပ်ရုံတစ်ရုံမှ မြန်မာအလုပ်သမား ၄၁ဦး ကို ဆန္ဒပြတယ်လို့ စွတ်စွဲ ပြီး အလုပ်မှ ထုတ်ပယ်လိုက်တယ် လို့ ၎င်းအမှု ကို ကူညီပေးနေတဲ့ MHACမဟာမိတ်အဖွဲ့ ထံမှ သိရပါတယ်။

 

၎င်းစက်ရုံ ဟာ အလုပ်သမားတွေ ရဲ့လစာ ထုတ်ပေးရာမှာ အလုပ်ဆင်းရက်တွေကွာဟသလို ရက်မှန်ကြေး လည်း မရတာကြောင့် အလုပ်ရုံက စာရေးမ ကို မြန်မာလုပ်သားတွေက ထောက်ပြ ပြောဆို ကျရာ မှာ ၎င်းစာရေးမ ကအလုပ်ကို မလာလဲ ဖြစ်တယ် လာလဲ ဖြစ်တယ် လို့ ပြောဆိုတဲ့အတွက် အလုပ်သမားတွေက မနက်ပိုင်း အလုပ်နားခဲ့ကျတယ်လို့ ဆိုပါတယ်။

 

ထိုနောက် အလုပ်ရုံဘက်မှ အလုပ်သမားတွေကို ရဲနှစ်ယောက်နှင့်အတူ လာရောက်ညှိနှိုင်းရန်ခေါ်၍ သွားရောက်ခဲ့ကြရာ ဓာတ်ပုံနှင့်ဗီဒီယိုမှတ်တမ်းများယူခံရပြီး တစ်ဖက်လှည့်နဲ့ ဆန္ဒပြ တယ်လို့ စွပ်စွဲကာ မြန်မာလုပ်သား၄၁ ဉီးအား အလုပ်မှထုတ်ပယ်လိုက် တယ်လို့ အလုပ်သမားတွေကပြောပါတယ်။

 

အခုလို မြန်မာလုပ်သား ၄၁ဦး စွပ်စွဲပြီး အလုပ်မှထုတ်ပယ်ခံလိုက်ရတဲ့ အတွက် အလုပ်သမားတွေကအေအေစီရဲမင်းဉီးဆောင်တဲ့ 𝐌.𝐇.𝐀.𝐂 မဟာမိတ်အဖွဲ့ထံ အကူအညီတောင်းခံလာခဲ့တယ်လို့ သိရပါတယ်။

 

မြန်မာလုပ်သားတွေရဲ့ ကူညီတောင်းခံ မှု ကြောင့် 𝐌.𝐇.𝐀.𝐂အဖွဲ့သားတွေ သွားရောက် ကူညီဆောင်ရွက်ပေးခဲ့ပြီး ဘိုင်ကျန့်အော့နှင့် ဝေါ့ပါမစ် သက်တမ်းတိုးလုပ်ငန်းစဉ်များနှင့် ပတ်သက်၍လည်း နယ်မြေခံ ဆဝါဒီကန်ရုံး၌ အလုပ်ရုံဘက်နှင့် ဆက်သွယ်ညှိနှိုင်းဆောင်ရွက်ပေးခဲ့ကြောင်း သိရပါတယ်။