လာမယ့်(၂၀၂၅)ခုနှစ်ထဲမှာလည်းကုန်ကြမ်းပြတ်လပ်တာ၊ လျှပ်စစ်ဓာတ်အားပြတ်တောက်တာတွေ ဆက်လက်ဖြစ်ပေါ်နေပြီး ပြည်တွင်းဝယ်လိုအားနည်းတာတွေကြောင့်စိုက်ပျိုးရေး၊ ကုန်စည်ထုတ်လုပ်ရေးနဲ့ဝန်ဆောင်မှုကဏ္ဍသီးသီးမှာတိုးတက်မှုမရှိဘဲဆက်လက်ကျဆင်းလာနိုင်တယ်လို့ဒီဇင်ဘာလ(၁၁)ရက်မှာကမ္ဘာ့ဘဏ်ကထုတ်ပြန်ပါ တယ်။
ပြည်တွင်းမှာဖြစ်ပွားနေတဲ့ပဋိပက္ခ၊ သဘာဝဘေးနဲ့အခြေခံကုန်စည်ရှားပါးတာတွေကြောင့်လည်းလာမယ့်(၂၀၂၅)ခုနှစ်မှာလည်းမြန်မာ့စီးပွားရေးမျှော်မှန်းချက်ဟာအားရစရာမရှိဘူးလို့လည်းဆိုပါတယ်။
မြန်မာ့နိုင်ငံရဲ့စီးပွားရေး စောင့်ကြည့်အစီရင်ခံစာအရတော့လက်ရှိဘဏ္ဍာရေးနှစ်အတွင်း၂၀၂၅ခုနှစ်မတ်လအတွက်စီးပွားရေးခန့်မှန်းချက်ဟာအနုတ်တစ်ရာခိုင်နှုန်းဖြစ်တယ်လို့ထုတ်ပြန်ပါတယ်။
“မြန်မာနိုင်ငံရဲ့စီးပွားရေးအပေါ်မှာ လတ်တလောရင်ဆိုင်ကြုံတွေ့ခဲ့ရတဲ့သဘာဝဘေးအန္တရာယ်တွေနဲ့ပဋိပက္ခအခြေအနေတွေကကြီးကြီးမားမားသက်ရောက်မှုဖြစ်ပေါ်ခဲ့တာကြောင့်အိမ်ထောင်စုတွေကကုန်ဈေးနှုန်းတက်တဲ့ဒဏ်နဲ့လုပ်သားဈေးကွက်အားနည်းမှုဒဏ်တွေကိုခါးစည်းခံနေရပါတယ်”လို့ကမ္ဘာ့ဘဏ်ရဲ့ထိုင်းနိုင်ငံနှင့်မြန်မာနိုင်ငံဆိုင်ရာဌာနေညွှန်ကြားရေးမှူးမာလင်ဒါဂွတ်ဒ်ကပြောပါတယ်။
မြန်မာနိုင်ငံတွင်ကမြို့နယ်စုစုပေါင်းရဲ့ထက်ဝက်ခန့်က ပဋိပက္ခအခြေအနေတွေန့ရင်ဆိုင်နေရပြီးဒီအချက်ကကုန်စည်ထုတ်လုပ်မှူထောက်ပံ့ရေးကွင်းဆက်တစ်ခုလုံးနဲ့နယ်စပ်ကုန်စည်ကူးသန်းရောင်းဝယ်ရေးကိုဆက်လက်အကျိုးသက်ရောက်နေပြီးလာမယ့် ခြောက်လအတွင်းမေခရိုစီးပွားရေးမငြိမ်သက်မှုဆက်လက်ဖြစ်ပေါ်နိုင်တယ်လို့လည်းဖော်ပြထားပါတယ်။
“အရောင်းအဝယ်ကအေးတယ်။ဒါပေမယ့်အရင်းတွေကတက်နေတယ်။အခုကလုပ်နေတဲ့စီးပွားရေးကိုရပ်ပစ်ပြီးရှိတာလေးကိုထိန်းစားမလား။လူအဝယ်များလာအောင်ပဲအရင်းထပ်ထည့်ပြီးဆက်လုပ်မလားတွေးနေရတယ်။သေချာတာတော့အရောင်းအဝယ်လေးထဲကအမြတ်ပဲစားရတဲ့သူတွေတော့လုပ်ငန်းတွေရပ်ကုန်တော့မယ်”လို့အသေးစားလုပ်ငန်းရှင်တစ်ဦးကပြောပါတယ်။
လက်ရှိမှာမြန်မာပြည်တွင်းမှာနေထိုင်သူတွေဟာဝင်ငွေနဲ့ထွက်ငွေမမျှတဲ့ဒဏ်ကိုခံနေရပြီး ဝယ်လိုနှုန်းဟာသိသိသာသာကျဆင်းလာတယ်လို့လက်လီအရောင်းဆိုင်ရှင်တွေကပြောဆိုကြပါတယ်။
ဒါ့အပြင်အုပ်ချုပ်ရေးပိုင်ကလည်းအခွန်အခတွေကိုနည်းမျိုးစုံနဲ့တိုးကောက်နေတာကြောင့်လုပ်ငန်းဆက်လက်ရပ်တည်ဖို့ခက်ခဲနေတယ်လို့သိရပါတယ်။
#MyanmarLabourNews
