စစ်အာဏာသိမ်းပြီးနောက်ပိုင်းမှာ ပြည်တွင်းကလူငယ် အများစု ပြည်ပနိုင်ငံတွေမှာသွားရောက်အလုပ်လုပ်ကိုင်နေကြတာဖြစ်ပါတယ်။
လက်ရှိမှာစစ်မှုထမ်းဥပဒေကြောင့်ပြည်ပထွက်မယ့်သူတွေကိုလေဆိပ်မှာပိတ်ပင်ခံရမှာ၊ ငွေကြေးခြိမ်းခြောက်တောင်းဆိုခံရတာတွေကိုဖြစ်လာနိုင်မယ်လို့ပြည်သူအချို့ကကထင်မြင် သုံးသပ် ကြပါတယ်။
စစ်ကောင်စီကပြည်သူ့စစ်မှုထမ်းဥပဒေကိုစတင်ကျင့်သုံးတော့မယ်လို့ နိုင်ငံပိုင်သတင်းဌာနကထုတ်ပြန်ကြေညာတာကြောင့်ပြည်ပမှာအလုပ်လုပ်ကိုင်ဖို့ပြင်ဆင်နေသူတွေ အထူးသဖြင့် လူငယ် အရွယ်တွေဟာ စိတ်ပူပန်နေရတယ်လို့ပြောပါတယ်။
စစ်ကောင်စီဟာ၂၀၁၀ခုနှစ်မှာပြဌာန်းခဲ့တဲ့ပြည်သူ့စစ်မှုထမ်းဥပဒေကို၂၀၂၄ ခုနှစ်ဖေဖော်ဝါရီလ(၁၀)ရက်မှာစတင်ကျင့်သုံးမယ်လို့နိုင်ငံပိုင်ရုပ်သံကတစ်ဆင့်ဖော်ပြခဲ့ပါတယ်။
ဒီအခြေအနေမှာစစ်မှုထမ်းဖို့အသက်ပြည့်မီတဲ့လူငယ် တွေကိုပြည်ပမှာသွားရောက်လုပ်ကိုင်ဖို့တားမြစ်တာတွေရှိလာမှာကိုစိုးရိမ်ကြတာလို့ဆိုပါတယ်။
"အခုကဂျပန်သွားဖို့စောင့်နေတာ။နောက်နှစ်လလလောက်ဆိုထွက်ရတော့မှာပါ။အခုကစစ်မှုထမ်းရမယ်ဆိုတော့စိတ်ပူနေတယ်။သတင်းလည်းတွေ့မိတယ်။သူတို့ကနောက်ကိုပြည်ပထွက်တာတွေကိုတားမြစ်မယ်ဆိုတော့ပိုဆိုးတာပေါ့။ဒီနိုင်ငံမှာရတဲ့ဝင်ငွေနဲ့ရေရှည်ရပ်တည်ဖို့လည်းမဖြစ်ဘူး။ပြည်ပထွက်လုပ်ဖို့ပါအပိတ်ခံရမယ်ဆိုရင်တကယ်ကိုအဆင်မပြေဘူး"လို့ဂျပန်နိုင်ငံမှာသွားရောက်လုပ်ကိုင်ဖို့စောင့်ဆိုင်းနေသူတစ်ဦးကပြောပါတယ်။
စစ်မှုထမ်း ဥပေဒအရ အမျိုးသား ရော အမျိုးသမီးပါစစ်မှုထမ်းဖို့သတ်မှတ်ထားပါတယ်။စစ်မှုထမ်းရမယ့်အသက်အရွယ်ကို တော့ အမျိုးသမီးတွေကိုအသက်(၁၈)နှစ်ကနေ(၂၇)နှစ်တွင်း၊ အမျိုးသားတွေကိုအသက်(၁၈)နှစ်ကနေ(၃၅)နှစ်တွင်းသတ်မှတ်ထားတာဖြစ်ပါတယ်။ဒါ့အပြင်ကျွမ်းကျင်သူအမျိုးသားဖြစ်ပါကအသက်(၄၅)နှစ်ထိ၊ အမျိုးသမီးဖြစ်ပါက(၃၅)နှစ်ထိစစ်မှုထမ်းရမှာဖြစ်ပါတယ်။
စစ်မှုထမ်းတာဝန်ကနေကင်းလွတ်ခွင့်မှာတော့သာသနာ့ဝန်ထမ်း၊ အိမ်ထောင်သည်အမျိုးသမီး၊အိမ်ထောင်ပျက်သော်လည်းကလေးရှိသူ၊ကိုယ်လက်အဂ်ါမသန်စွမ်းသူ၊တပ်မတော်ဆေးစစ်ရေးဘုတ်အဖွဲ့ကစစ်မှုထမ်းဖို့မသင့်လျော်သူဖြစ်တယ်လို့သတ်မှတ်ခံရသူနဲ့ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ကအမိန့်ထုတ်ပြန်ပြီးကင်းလွတ်ခွင့်ပြုထားသူတွေပါဝင်တာပဲဖြစ်ပါတယ်။
"စိတ်ပူတာ ပေါ့ ။ဒီအတိုင်းတောင်မနေချင်လို့ပြည်ပအထိအလုပ်သွားလုပ်ဖို့လုပ်နေတာအခုကျစစ်ထဲဝင်ရမယ်ဆိုတော့ပိုဆိုးတာပေါ့။ပြောမယ်ဆိုအရင်ကပြည်ပထွက်ဆိုတဲ့လွတ်လမ်းရှိတယ်။အခုကျအဲဒါကိုပါပိတ်ပင်ခံရတော့မလားတွေးပူတယ်"လို့ကိုရီးယားနိုင်ငံမှာသွားရောက်လုပ်ကိုင်ဖို့သင်တန်းတက်ရောက်နေသူတစ်ဦးကပြောပါတယ်။
NEWS
စစ်မှုထမ်းဥပဒေကြောင့် ပြည်ပထွက်ရန်ပြင်ဆင်နေသည့် လူငယ်များ စိတ်ပူပန်နေ
586 Views
Related posts
လှိုင်သာယာတွင် စစ်ကောင်စီက ဘေးတွဲဆိုင်ကယ်တွေကိုအမိုးကိုင်းတွေ ဖြုတ်ခိုင်းပြီး မဖြုတ်ပါက ငွေကြေးတောင်းခြင်းနှင့်ပစ္စည်းသိမ်းတာတွေပြုလုပ်နေ
Oct 29, 2024
ထိုင်းတွင် မြန်မာအလုပ်သမား ၄ ဦး အရက်သောက် ရင်း စကားများရန်ဖြစ်ရာမှ ၂ဦးသေဆုံး
Oct 29, 2024
၉ လအတွင်း မြန်မာရွှေ့ပြောင်းလုပ်သား ၅၀၀၀ ကျော် ဖမ်းဆီးခံရ
Oct 29, 2024
အကျဉ်းသားတွေရဲ့ ကိုယ်ရေးအချက်လက်တွေကိုထောင်အာဏာပိုင်တွေက ထပ်မံကောက်ယူနေတဲ့အပေါ် စိုးရိမ်မှုရှိနေ
Oct 29, 2024
ထိုင်းတွင် မြန်မာအလုပ်သမားအချင်းချင်းသတ်ကာ လက်ဝတ်ရတနာ များယူဆောင်မှု ဖြစ်ပွား
Oct 29, 2024
"စစ်ရာဇဝတ်မှုတွေမှာ ရင်းနှီးမြုပ်နှံနေတာ အဆုံးသတ်"“Airbus: End investment in AVIC”ခေါင်းစဥ်နဲ့ လက်ပံတောင်းတောင်ဒေသသပိတ်အင်အားစု ဆန္ဒဖော်ထုတ်
Oct 28, 2024
အလုပ်ရှာပေးမယ်ဆိုကာ ငွေကြေးရယူသွားတဲ့ ပွဲစားကို အလုပ်သမားအဖွဲ့စည်းထံ တိုင်ကြား
Oct 28, 2024
သက်တမ်းရှိ PV နိုင်ငံကူးလက်မှတ်တွေ PJ ပြောင်းလိုလျှင် လက်ခံဆောင်ရွက်မယ်လို့ဆို
Oct 28, 2024