ဧရာဝတီတိုင်း ဒေသကြီး လေးမျက်နှာ မြို့နယ် ဝါးတောကွင်း ကျေးရွာ နေသူ တစ်ဦးဟာ စစ်မှုထမ်း ရန် စာရင်း ပါလို့ ထိုင်းနိုင်ငံ ကို တိမ်းရှောင်လာပြီးရက်ပိုင်းအတွင်း ထိုင်းလုပ်ငန်းခွင်မှာ မတော်တဆမှုနဲ့ ထိခိုက်သေဆုံးခဲ့တယ်လို့ မြန်မာလုပ်သားအရေးကူညီပေးနေတဲ့ AAC မဟာမိတ်အဖွဲ့ ထံမှ သိရပါတယ်။
သေဆုံးသူ ကို_ ဟာ အသက်၂၈ နှစ်ရှိပြီ ဖြစ်ပြီး စစ်မှုထမ်း အတွက် လစဉ် ကျပ်ငါးသောင်း ကို အုပ်ချုပ်ရေးမှူးကို ပေးခဲ့တာနှစ်ချီ နေပြီ လို့သိရပါတယ်။ဒါပေမယ့် စစ်မှုထမ်း မဲပေါက်တဲ့ အတွက် လစဉ်ကြေးကို အုပ်ကြီးမှ လက်မခံတော့ဘဲ လူကိုယ်တိုင်စစ်မှုထမ်းရမယ်ဆိုတာကြောင့် ထိုင်းနိုင်ငံ ကို ထွက်ပြေးတိမ်းရှောင်လာတာ တစ်လ မပြည့်သေးခင်မှာပင်အခုလို လုပ်ငန်းခွင်မှာမတော်တဆ ထိခိုက်သေဆုံးခဲ့ရတာဖြစ်ပါတယ်။
"ထိုင်းရောက်တာရက်ပိုင်း ပဲ ရှိသေးတယ် လယောင် မြို့နယ်စည်ပင်သာယာ အစိုးရလုပ်ငန်းမှာ ပွဲစားက အလုပ်သွင်းပေးထားတာ ပြီးခဲ့တဲ့ ၉ ရက်နေ့က အမှိုက်ကား ဟိုက်ဒရောလစ်(အမှိုက်သွန်ရာမှာပင့်တင်တဲ့စနစ်) နှစ်ခုကြားမှာ ညှပ်ပြီး သေဆုံးသွားတာ""လို့ AAC -မဟာမိတ်အဖွဲ့မှဒါရိုက်တာ ဦးခိုင်ကြီးက MLN ကိုပြောပါတယ်။
လက်ရှိမှာ မြန်မာလုပ်သား သေဆုံးမှု အတွက် နစ်နာကြေး ပေးဖို့ ကို တရားဝင်အလုပ် လုပ်ကိုင်တဲ့ အထောက်အထားမရှိလို့ သက်ဆိုင်ရာက ငြင်းဆန်နေတဲ့ အတွက် AAC -မဟာမိတ်အဖွဲ့ မှ ကူညီဆောင်ရွက်ပေးနေတယ်လို့ ဆိုပါတယ်။
"ထိုင်းဥပဒေအရ လုပ်ငန်းခွင်မှာသေဆုံးရင် နေထိုင်ခွင့်ရှိခြင်း မရှိခြင်း က အဓိကမဟုတ်ဘူး လုပ်ငန်းရှင်ဘက်က လျော်ရမှာ ကာယကံရှင်မိသားစု ကျေနပ်လောက်တဲ့ အထိ ပေါ့ ထိုင်းအစိုးရသတ်မှတ်တဲ့ နှုန်းထားမဟုတ်ရင်တောင် အနည်းဆုံး ညှိနှိုင်းတဲ့ ဈေးနဲ့ လျော်ရမယ် ဖြစ်နိုင်ရင်တော့ ထိုင်းအစိုးရသတ်မှတ်တဲ့ဈေးနှုန်းပေါ့ အခုက တရားဝင်အမှုဖွင့်ပြီး ဒီကိစ္စကိုတိုင်ကြားမယ် သူတို့ဘက်က လုပ်ငန်းခွင်မှာ မဟုတ်ဘူး ကားအာမခံနဲ့ရှင်းမယ်ဆိုရင်တော့ ရဲစခန်းနဲ့ ပြတ်တယ် တကယ်လို့ ရဲစခန်းမှ လာရောက်မဖြေရှင်းဘူး လုပ်ငန်းခွင်နဲ့ဆိုရင် လူမှုဖူလုံရေးရုံးကိုသွားပြီးအမှုသွားဖွင့်မယ်""လို့AAC -မဟာမိတ်အဖွဲ့မှဒါရိုက်တာ ဦးခိုင်ကြီးက MLN ကိုပြောပါတယ်။
လက်ရှိအချိန်မှာ သေဆုံးသူရဲ့ရုပ် အလောင်းထုတ်ယူဖို့ ထောက်ခံစာတွေ ပြုလုပ်လျက်ရှိပြီး ဒီရက်ပိုင်းအတွင်း သင်္ဂြုလ် နိုင်ဖို့ စီစဉ်ဆောင်ရွက်နေတယ်လို့ သိရပါတယ်။
