NEWS

စစ်ကိုင်း ငလျင်ကြီး တစ်လပြည့်သည်အထိ နောက်ဆက်တွဲ ငလျင်များ ဆက်လှုပ်

CoverLogo
195 Views
 
ရစ်ခ်တာစကေး ၇ဒသမ၇ အဆင့် စစ်ကိုင်းငလျင်ကြီး လှုပ်ခတ်မှု တစ်လပြည့်တဲ့ နေ့အထိ နောက်ဆက်တွဲ ငလျင်လှုပ်ခတ်တာကြောင့် စိုးရိမ် ကြောက်လန့်မှုတွေ ဒေသခံတွေ ခံစားတယ်လို သိရပါတယ်။
 
""ငလျင် က နေ့တိုင်း လိုလို လှုပ်နေတာ။ မနေ့က ညက လှုပ်တာဆိုရင် အတော်လေး အားပါတယ် ။ အခုလို တွေ လှုပ်နေတော့ လူတွေလည်း အိပ်ကောင်းခြင်းမအိပ်ရ ၊စားကောင်းခြင်းမစားရနဲ့ ၊ အလုပ် လုပ်ဖိုလည်း အဆောက်အဦ ထဲကို စိတ်ချလက်ချ မဝင်ရဲဘူး။ ရှိတာပဲ ရောင်းချပြီး စားနေရတာ""လို မန္တလေးမြို့ ဒေသခံတစ်ဦးက ပြောပါတယ်။
 
ငလျင်ကြီးလှုပ်ခတ်တဲ့ တစ်လပြည့် ဧပြီ ၂၈ရက် ဒီ မနက်ပိုင်းမှာ အင်အားရစ်ခ်တာစကေး ၄.၀ အဆင့် ငလျင် တစ်ခု ရေတာရှည်မြို အနီးဗဟိုပြုပြီး လှုပ်ခတ်ခဲ့ပါတယ်။ မတ်လ၂၈ကနေ ဧပြီ ၂၈ ရက် အထိ နောက်ဆက်တွဲငလျင် ၁၅၈ ကြိမ် အထိ လှုပ်ခတ်ခဲ့တယ်လို မိုးလေဝသနှင့်ဇလဗေဒညွှန်ကြားမှု ဦးစီးဌာနက ထုတ်ပြန်ထားတာပါ။
 
မတ်လ ၂၈ ရက်မှာ လှုပ်ခတ်ခဲ့တဲ့ စစ်ကိုင်းငလျင်ကြောင့် နိုင်ငံတစ်ဝှမ်းတွင် လူနေအိမ်စုစုပေါင်း ၆၀,၀၀၀ ကျော်၊ ဘုန်းတော်ကြီးကျောင်းနဲ့ သီလရှင်ကျောင်း ၃,၅၀၀ ကျော်၊ စာသင်ကျောင်း ၂,၃၀၀ ကျော် ၊ ဌာနဆိုင်ရာ ရုံး၊ အဆောက်အဦ ၃,၆၀၀ကျော်၊ တံတား ၁၅၅ စင်းနှင့် ဘုရားစေတီ ၅,၆၀၀ကျော် ထိခိုက်ပျက်စီးခဲ့ရတယ်လို့ စစ်ကောင်စီက ထုတ်ပြန်ထားပါတယ်။ ။ ဧပြီ ၂၇ ရက် အထိ ထုတ်ပြန် တဲ့ စာရင်း တွေ အရ သေဆုံးသူ ၃၇၆၉ဦး၊ထိခိုက်ဒဏ်ရာရသူ ၅၁၀၆ဦး နဲ့ ပျောက်ဆုံးနေသူ ၁၀၇ဦးရှိတယ်လို သိရပါတယ်။

Related posts

Cover
ဂျပန်ရောက် မြန်မာတွေ ဆူနာမီသတိပေးချက်ကို အလေးထားနားစွင့်ဖို့ အသိပေး
Jul 30, 2025
Cover
စစ်မှုထမ်းဟောင်းများ ပုဂ္ဂလိက လုံခြုံရေးဝန်ထမ်း အဖြစ်လုပ်ကိုင်လိုပါက ခွင့်ပြုချက်တောင်းခံရမည်
Jul 29, 2025
Cover
တက္ကသိုလ်ဝင်တန်းစာမေးပွဲကို အကျဉ်းထောင်မှ အောင်မြင်သူ ၁၇ ဦး တွင် ဂုဏ်ထူးပါသူ ၁၄ ဦးရှိ
Jul 28, 2025
Cover
လေဆင်နှာမောင်း တိုက်ခတ်မှုကြောင့် ရန်ကုန်မြစ်အတွင်း သမ္ဗာန်တစ်စီးတိမ်းမှောက်၊ ၃ ဦးပျောက်ဆုံးနေ
Jul 24, 2025
Cover
တက္ကသိုလ်ဝင်စာမေးပွဲ အောင်စာရင်း ဇူလိုင် ၂၇ ရက်နေ့ ထုတ်ပြန်မည်
Jul 24, 2025
Cover
၂၄ နာရီ အတွင်း မြဝတီမြို့တွင် သောင်းရင်းမြစ်ရေ စိုးရိမ်ရေမှတ်အထက် ၁၂ ပေကျော်မြင့်တက်မည်ဟု မိုးဇလ သတိပေး
Jul 24, 2025