ထိုင်းနိုင်ငံ၊ ချွန်ပူလီ၊ စီလချာမြို့၊နောင်ခမ်းတွင်ရှိတဲ့  ပလပ်စတစ်စက်ရုံ မှာ အလုပ်လုပ်နေတဲ့ MOU မြန်မာအလုပ်သမား ၁၈ဦး ကို စက်ရုံစီးပွားရေးကျဆင်းသည်ဆိုကာ   စာချုပ်သက်တမ်းမပြည့်ခင်  နစ်နာကြေး မပေးဘဲ အလုပ်ထုတ်ခံရမှု ဖြစ်ပွားခဲ့တယ်လို့ WAG အလုပ်သမားမဟာမိတ်အဖွဲ့ ထံ က သိရပါတယ်။ 

၎င်း မြန်မာအလုပ်သမား၁၈ဦးမှာ မြန်မာနိုင်ငံ SHWE LANN HPWINT OVERSEA EMPLOYMENT AGENCY (ရွှေလမ်းဖွင့်) အေဂျင်စီနှင့်ချိတ်ဆက်ပြီး ၂၀၂၃ခုနှစ် နိုဝင်ဘာ ၂၂ ရက်က ယင်း စက်ရုံ မှာ အလုပ်စဝင်ရောက်ခဲ့တယ်လို့ ဆိုပါတယ်။ 

MOU စာချုပ်သက်တမ်းမှာ (၂)နှစ်ဖြစ်သော်လည်း ၂၀၂၄ ခုနှစ်အောက်တိုဘာ ၁၈ရက်  (၁) နှစ်မပြည့်ခင်မှာစက်ရုံမှ ၎င်းတို့ (၁၈)ဦး ကို  စက်ရုံစီးပွားရေးကျဆင်းနေတဲ့ အတွက်  လူလျှော့သည့်ဟုဆိုကာ လက်မှတ်ထိုးခိုင်းတယ်လို့ သိရပါတယ်။ 

လက်မှတ်ထိုးပါက  နောက်လ(နိုဝင်ဘာ ၂၀ )ရက်နေ့အထိအလုပ်ဆင်းရမှာ ဖြစ်ပြီး  လက်မှတ်မထိုးပါက အောက်တိုဘာ  ၁၉ ရက်နေ့ကစအလုပ်ဆင်းစရာမလိုတော့ကြောင်းပြောရာ မြန်မာအလုပ်သမား၁၈ဦး မှာ မည်သူမှလက်မှတ်မထိုးကြတဲ့ အတွက် အောက်တိုဘာ ၁၈ ရက်နေ့ညနေ ၃နာရီချိန်တွင်စက်ရုံမှပြန်ခိုင်းလိုက်တယ်လို့ ဆိုပါတယ်။ 

အခုလို စက်ချုပ်သက်တမ်း မပြည့်မီ စက်ရုံ မှ အလုပ်ထုတ်တဲ့ အတွက် နစ်နာကြေး ပြန်လည် ရရှိဖို့ မြန်မာ အလုပ်သမားတွေကWAG - အလုပ်သမားမဟာမိတ်အဖွဲ့ထံအကူညီတောင်းခံလာတယ်လို့ ဆိုပါတယ်။ 

ယခုကဲ့ သို့ အလုပ်သမား များ နစ်နာမှု နှင့်ပတ်သက်ပြီး WAG - အလုပ်သမားမဟာမိတ်အဖွဲ့ က  ဖြေရှင်းဆောင်ရွက်ပေးနေတယ်လို့ သိရပါတယ်။