ထိုင်းနိုင်ငံ ဘန်ကောက်မြို့ ချပ်တူချပ်နယ်မြေမှာ မတ်လ ၈ ရက်က ငလျင်လှုပ်ခတ်မှုကြောင့် ဆောက်လုပ်ဆဲ အဆောက်အဦး ပြိုကျမှုမှာ သေဆုံးခဲ့ တဲ့ မြန်မာလုပ်သား ၈ ဦး အတွက် နစ်နာကြေး ဘတ်၈သန်း ကို ဩဂုတ်လ ၁၅ရက်က ကျန်ရစ်သူမိသားစု တွေ ထံ ပေးအပ်ခဲ့တယ်လို့ မြန်မာအလုပ်သမားသံအရာရှိရုံးရဲ့ သတင်းထုတ်ပြန်မှုအရသိရပါတယ်။

 

ပြီးခဲ့တဲ့ မတ်လ ၂၈ ရက်က လှုပ်ခတ်ခဲ့တဲ့ အင်အားပြင်း ငလျင်ကြောင့် ဆောက်လုပ်ဆဲ စာရင်းစစ်ချုပ်ရုံးအဆောက်အဦးပြိုကျခဲ့တာ မှာ သေဆုံးခဲ့ တဲ့ မြန်မာလုပ်သား တွေ ကိုနစ်နာကြေးပေးရန် အချက်အလက်တွေ စိစစ်ရာ ပထမဆုံး စိစစ်ပြီးတဲ့ ၇ ဦးကို တစ်ဦး ကို ဘတ်တစ်သန်းစီ ဖြင့် ပြီးခဲ့တဲ့ လ တွေက ပေးအပ်ခဲ့ ပြီး ယခု ထပ်မံ စိစစ်ပြီးတဲ့ မြန်မာလုပ်သား ၈ဦး အတွက် ဘတ်က၈သန်း ကို ဩဂုတ်လ ၁၅ရက်က ပေးအပ်ခဲ့တာလို့ သိရပါတယ်။

 

ဘတ်၈သန်း ကို ထိုင်းရှေ့နေများကောင်စီရုံးမှာ သေဆုံးသူမြန်မာအလုပ်သမား (၈) ဦးရဲ့ မိသားစုဝင် တွေကို CHINA RAILWAY NO.10 (THAILAND) CO. LTD က လူသားချင်းစာနာထောက်ထားမှုထောက်ပံ့ကြေးအဖြစ် ဘတ် (၁) သန်းစီကို ချက်လက်မှတ်ဖြင့် လက်ရောက်ပေးအပ်ခဲ့တာ ဖြစ်တယ်လို့ သိရပါတယ်။

 

ဆောက်လုပ်ဆဲ စာရင်းစစ်ရုံး ပြိုကျမှု တွင် မြန်မာလုပ်သား ၃၀ ကျော်သေဆုံးခဲ့ ပြီး နစ်နာကြေး အဖြစ် အလုပ်ရှင်မှ ဘတ်တစ်သန်းနဲ့ ထိုင်းအစိုးရ ထံ မှ ဘတ်တစ်သန်းကျော် ရရှိမှာ ဖြစ်တယ်လို့ သိရပါတယ်။