ဂျပန် နိုင်ငံ မှ မြန်မာအလုပ်သမား ၁၃၀၀ ကျော် ထပ်မံခေါ်ယူတာမှာ အမျိုးသမီး လုပ်သား ၁၀၀၀ ကျော် ပါဝင်တယ်လို့ ဂျပန်နိုင်ငံတိုကျိုမြို့ရှိ မြန်မာသံရုံးရဲ့ သတင်းထုတ်ပြန်ချက်အရ သိရပါတယ်။
ဂျပန်ကုမ္ပဏီ ၄၃၁ ခု မှ မြန်မာအလုပ်သမား ၁၃၅၅ ဦးခေါ်ယူတာမှာ အမျိုးသားလုပ်သား ၃၀၀ကျော်နဲ့ အမျိုးသမီး လုပ်သား ၁၀၀၀ကျော် ပါဝင်တာ ဖြစ်တယ်လို့ သိရပါတယ်။
မြန်မာသံရုံး တိုကျို မြို့ အနေနဲ့ ဂျပန် နိုင်ငံစက်ရုံ အလုပ်ရုံတွေက ခေါ်ယူတဲ့ အလုပ်ခေါ်စာ Demand Letter တွေကို မှန်ကန်မှုရှိမရှိ စိစစ်လျက်ရာ ၂၀၂၄ခုနှစ် စက်တင်ဘာလ ၁၁ ရက်အထိလက်ခံရရှိ စိစစ်ပြီးစီး ပြီ ဖြစ်ကာ လက်ရှိမှာ အလုပ်ကမ်းလှမ်းစာ ၄၃၁ခုနဲ့ ပက်သက်တဲ့ အချက်အလက်တွေ ကို ယခုလို အသိပေး ထုတ်ပြန်တာလို့ ဆိုထားပါတယ်။
အလုပ်ကမ်းလှမ်းစာ ၄၃၁ခု တွင် စားသောက်ကုန်ထုတ်လုပ်ရေးလုပ်ငန်း၊ ဆောက်လုပ်ရေးလုပ်ငန်းနဲ့သက်ကြီးစောင့်ရှောက်ရေး လုပ်ငန်းတို့ ဖြစ်တယ်လို့ သိရပါတယ်။
""ဂျပန် ကို အမျိုးသမီး လုပ်သား အများဆုံး ခေါ်တာက သက်ကြီးစောင့်ရှောက်ရေး အတွက် ခေါ်တာများတယ် အခြား ကုန်ထုတ်လုပ်ငန်းတို့ စားသောက်ဆိုင်တွေလည်း အမျိုးသမီး လုပ်သားတွေခေါ်ပေမယ့် နည်းတယ် အဲ့တော့ အလုပ်ရွေးနေရင် စောင့်ရတာ ကြာမှာဆိုတော့ မြန်မြန် ဂျပန် ထွက်ချင် တဲ့ အမျိုးသမီး လုပ်သားတွေက သက်ကြီးစောင့်ရှောက် နဲ့ သွားတာ များလာတယ်""လို့ဂျပန် ကို လုပ်သားပို့ဆောင်ပေးနေတဲ့ လိုင်စင်ရအေဂျင်စီမှတာဝန်ရှိသူ တစ်ဦးကပြောပါတယ်။
ကိုဗစ်ကာလပြီးနောက်ပိုင်း ဂျပန် နိုင်ငံ က မြန်မာလုပ်သားခေါ်ယူတာ ယခင် ထက် ၅ဆ ခန့် များ လာသလို
ပြည်တွင်း နိုင်ငံရေးအခြေနေကြောင့် ဂျပန်အပါအဝင် ပြည်ပ ကို သွားရောက်အလုပ် လုပ်ကိုင်တဲ့ လူငယ်တွေ လည်း ယခင်ထက် ပိုမိုများပြားလာတယ်လို့ သိရပါတယ်။
