ဂျပန်လူမျိုး တွေ ကိုလိမ်လည်ဖို့ အတွက် ဂျပန်လူမျိုးသာမက ဂျပန်စကားပြောတတ်တဲ့မြန်မာ တွေ ကိုပါ အသုံးချပြီး အွန်လိုင်းငွေလိမ်ဂိုဏ်းကျားဖြန့် တွေ က လိမ်လည်မှုတွေ လုပ်ဆောင်လာနိုင်တဲ့ အတွက် သတိ ထားဖို့ မြန်မာနိုင်ငံဆိုင်ရာဂျပန်သံရုံးက သတိပေးထားပါတယ်။
လတ်တလောကာလအတွင်း ဂျပန်နိုင်ငံမှာ အွန်လိုင်းဂိမ်း၊ လူမှုကွန်ယက်တွေကနေ သိကျွမ်းလာခဲ့ပြီး မျက်မြင်တွေ့ဆုံဖူးခြင်းမရှိတဲ့ အသိမိတ်ဆွေကနေတဆင့် ထိုင်း၊ ကမ္ဘောဒီးယားအစရှိတဲ့ ပြည်ပနိုင်ငံ တွေ မှာ အလုပ်လုပ် ကိုင် ဖို့ မိတ်ဆက်ပေးတဲ့အတွက် ထိုင်းနိုင်ငံ ကနေ မြန်မာနိုင်ငံမြဝတီမြို့ရှိ အွန်လိုင်းငွေလိမ်လည်ရေးစခန်း တွေ ထံ ခေါ်ဆောင်ခြင်း ခံရကာ အွန်လိုင်းလိမ် လည်မှုများ လုပ်ကိုင်ရန်စေဖို့ အ ခိုင်းခံရတဲ့ ဖြစ်ရပ်တွေ ဆက်တိုက်ဆိုသလို ဖြစ်ပွားနေတယ်လို့ ဂျပန်သံရုံးက အသိပေးထားပါတယ်။
အခုလို ဂျပန်လူမျိုး တွေ ကို သွေးဆောင်လှည့်ဖြားနေတဲ့ အွန်လိုင်းငွေလိမ်ဂိုဏ်း တွေ ဟာ ဂျပန်နိုင်ငံ သား တွေ သာမက ဂျပန်ဘာသာစကားတတ်ကျွမ်းတဲ့ မြန်မာလူမျိုး တွေ ကို ပါ အသုံးချ ဖို့ ရည်ရွယ်လာနိုင်ခြေလည်းရှိနေတယ်လို့ မြန် မာနိုင်ငံဆိုင်ရာဂျပန်သံရုံးက ကြေညာချက်ထုတ်ပြန်ထားပါတယ်။
ဒါကြောင့် အွန်လိုင်းဂိမ်းတွေ နဲ့ အင်တာနက်အစရှိတဲ့ နေရာ တွေ ကနေ သိကျွမ်း ပြီး မျက်မြင် မတွေ့ဘူးတဲ့ အသိမိတ်ဆွေ တွေက တစ်ဆင့် ဂျပန်စကား အသုံးပြုရမယ့် အလုပ်လုပ်ကိုင်ဖို့ ဆွဲခေါ် ခံရပါက အလွယ်တကူ မယုံကြည်ဘဲ မိသားစုဝင်တွေ နဲ့ တိုင်ပင်ဆွေးနွေးရန် နဲ့ မြန်မာနိုင်ငံ ဆိုင်ရာ ဂျပန် သံရုံး သို့လည်း တိုင်ပင်ဆွေးနွေးနိုင်တယ်လို့ ဂျပန်သံရုံးက အထူးသတိပေးထားပါတယ်။
