ဂျပန်နိုင်ငံရှိ ကုမ္ပဏီ ၄၀၀ ကျော်က မြန်မာအလုပ်သမား ၁၃၀၀ ကျော်ကို ထပ်မံ ခေါ်ယူမယ်လို့ ဂျပန်နိုင်ငံတိုကျိုရှိ မြန်မာသံရုံးရဲ့ ထုတ်ပြန်ချက်အရ သိရပါတယ်။
မြန်မာအလုပ်သမား တွေကို ခေါ်ယူဖို့ အတွက် ဂျပန် နိုင်ငံရှိ ကုမ္ပဏီနဲ့ စက်ရုံ အလုပ်ရုံ တွေ က အလုပ်ကမ်းလှမ်းစာ ၄၁၅ခု ရှိတယ်လို့ ဆိုပါတယ်။
အဆိုပါ ကမ်းလှမ်းစာ တွေအရ မြန်မာလုပ်သား ၁,၃၀၀ ကျော်ကို ဂျပန်ကုမ္ပဏီ ၄၀၀ ကျော်က ခေါ်ယူတာ ဖြစ်ကာ အမျိုးသားလုပ်သား ၄၆၀ကျော်နဲ့ အမျိုးသမီး လုပ်သား ၉၀၀ နီးပါးတို့ ဖြစ်တယ်လို့ သိရပါတယ်။
"ဂျပန် အလုပ်ခေါ်စာ တွေ က တောက်လျှောက် ခေါ်လာတယ် သွားမယ့်သူတွေကလည်း များတယ် ဂျပန်စာသင်တန်းတွေ တက်ပြီး အလုပ်မရသေးတာတွေ လည်း အများကြီး ပဲ ရှိသေးတယ်""လို့ ပြည်ပ အလုပ်အကိုင်အေဂျင်စီ မှ တာဝန်ရှိသူတစ်ဦးကပြောပါတယ်။
အခုလို အလုပ်ကမ်းလှမ်းစာတွေ မှန်ကန်မူရှိ၊ မရှိကို သံရုံးကနေ စီစစ်ပြီး စိစစ်ဆွေ့ရှိချက်တွေကို နိုင်ငံခြား ရေးဝန်ကြီးဌာန ကနေတစ်ဆင့် အလုပ်သမား ဝန်ကြီးဌာန ကိုပြန်လည်ပေးပို့ ရတယ်လို့ သိရပါတယ်။
