ဂျပန်ကုမ္ပဏီ ၂၁၀ ကျော်က မြန်မာအလုပ်သမား ၁၁၀၀ ကျော်ကို အလုပိခေါ်ယူဖို့ အတွက် ကမ်းလှမ်းထားတယ်လို့ဂျပန်နိုင်ငံဆိုင်ရာ မြန်မာသံရုံးရဲ့ ထုတ်ပြန်ချက်အရ သိရပါတယ်။

စိစစ်ချက် တွေ အရ မြန်မာအလုပ်သမား အမျိုးသား (၄၀၀) ကျော်၊ အမျိုးသမီး (၆၀၀) ကျော်၊ စုစုပေါင်း (၁၁၀၀) ကျော် ခေါ်ယူရန် အလုပ်ကမ်းလှမ်းထားတယ်လို့ သိရပါတယ်။

အလုပ်ခေါ်ယူတဲ့ ဂျပန်နိုင်ငံရှိ အလုပ်သမားကြီးကြပ်ရေး ကုမ္ပဏီ၊ အလုပ်ခေါ်ယူတဲ့ စက်ရုံ / ကုမ္ပဏီတွေဟာ ဂျပန်နိုင်ငံ မှာ တရားဝင် တည်ထောင်ထားခြင်း ရှိ၊ မရှိ အပါအဝင် စာရွက်စာတမ်း အထောက်အထားတွေ ကို စစ်ဆေးခဲ့တယ်လို့ မြန်မာသံရုံးထုတ်ပြန်ချက်အရ သိရပါတယ်။

ကိုဗစ်ကာလ ပြီးနောက်ပိုင်း ဂျပန်နိုင်ငံ အနေနဲ့ မြန်မာ လုပ်သား ခေါ်ယူမှု ဟာ ယခင်ကာလ တွေ ထက် ငါးဆ ခန့်များလာတယ်လို့ ဂျပန်ကိုပို့ဆောင်ပေးနေတဲ့အေဂျင်စီတွေ ထံ က သိရပါတယ်။