နိုဝင်ဘာ ၅ရက် ညပိုင်းက အဖမ်းခံခဲ့ရခြင်းဖြစ်ကာ ထိုင်းယာဉ်မောင်းဖြစ်သူက မြန်မာလုပ်သားတွေကို ယာဉ်အနောက်ဘက်မှာ စိုက်ပျိုးရေးပစ္စည်း သယ်ယူဟန်ဆောင်ပြီး သစ်သားပြားတွေနဲ့ အဆင့်ပြုလုပ်ကာ မြန်မာလုပ်သားတွေကို ကြပ်ညပ်စွာ တင်ဆောင်ပြီး အပေါ်မှအမိုးအကာနဲ့ ဖုံးအုပ်ထားတာ တွေ့ရှိရတယ်လို့ သတင်းမှာ ဖေါ်ပြထားပါတယ်။

 

မြန်မာလုပ်သားတွေကို စစ်ဆေးရာမှာလည်း နိုင်ငံကူးလက်မှတ် အပါအဝင် တရားဝင်အထောက်အထား စာရွက် စာတမ်း မပါရှိဘူးလို့ဆိုပါတယ်။

 

ထိုင်းနိုင်ငံသား ယာဉ်မောင်းဖြစ်သူရဲ့ ဘေးမှာလည်း စိတ်ကြွဆေးပြား ၃၄ ပြားနဲ့ မူးယစ်ဆေး (ICE) ၀.၃ ဂရမ်ကိုပါ ရဲတွေက ရှာဖွေတွေ့ရှိခဲ့ပြီး ယခုလို မြန်မာလုပ်သားတွေကို ပို့ဆောင်ဖို့ တစ်ဦးကို ဘတ် ၅၀၀ နှုန်းရရှိကြောင်းနဲ့ မူးယစ်ဆေးဝါးတွေဟာလည်း သူ့ပိုင်ဆိုင်မှု ဖြစ်တယ်လို့ ဝန်ခံကြောင်းသတင်းမှာဖေါ်ပြထားပါတယ်။

 

ဒါ့အပြင် စစ်ဆေးမှု မှတ်တမ်းတွေအရတော့ မစ္စတာ ဘွန်ချူအွိုင်းဟာ အခုလို လူကုန်ကူးခြင်း ကြောင့် ယခင်က လည်း ၂ ကြိမ် ဖမ်းဆီးခံရဖူးတဲ့အတွက် ယခုအကြိမ်လျှင် တတိယအကြိမ် ဖမ်းဆီးခံရခြင်းဖြစ်တယ်လို့ သိရပါတယ်။

 

အဖမ်းခံရသူတွေ ကို တရားဥပဒေဆိုင်ရာ လုပ်ငန်းသက်ဆိုင်ရာ စစ်ဆေးရေးမှူးဆီကို လွှဲပြောင်းပေးလိုက်ကြောင်းသိရပါတယ်။

 

Ref-Khaosod၊Matichon Online News