ထိုင်းနိုင်ငံ ကန်ချနဘူရီပြည်နယ် သောင်ဖဖွမ်း အမြန်လမ်းမကြီးတွင် အထောက်အထားမဲ့ ဝင်ရောက်လာတဲ့ မြန်မာရွှေ့ပြောင်းလုပ်သားတွေကို တင်ဆောင်လာတဲ့ယာဉ် တိမ်းမှောက်ပြီး ၃ဦးသေဆုံးကာ ၁၅ ဦး ထိခိုက်ဒဏ်ရာ ရရှိခဲ့တယ်လို့ ထိုင်းသတင်းတွေရဲ့ဖေါ်ပြချက်အရသိရပါတယ်။
အောက်တိုဘာ ၂၅ ရက် မနက်၉နာရီခွဲ လောက်မှာ မြန်မာလုပ်သားတွေ ကို တင်ဆောင်လာတဲ့ Nissan Navara ပစ်ကပ်ကားဟာ အရှိန်မြှင့်မောင်းနှင်လာချိန် ကားဘီးကျွတ်ထွက်ပြီး အရှိန်မထိန်းနိုင်တော့ဘဲ တိမ်မှောက်ခဲ့တယ်လို့ သိရပါတယ်။
ယာဉ်တိမ်းမှောက် မှုကြောင့် မြန်မာလုပ်သား ၃ဦး သေဆုံး ခဲ့ ပြီး ၁၅ဦးထိခိုက်ဒဏ်ရာ များ ရရှိခဲ့ကာ ယာဉ်ပေါ်ပါလာတဲ့ ကျန်ရှိ မြန်မာလုပ်သား ၁၀ဦးကျော် နဲ့ယာဉ်မောင်းသူ တို့ ဟာ တောထဲ ကို ထွက်ပြေးသွားတယ်လို့ သတင်းမှာဖေါ်ပြထားပါတယ်။
အခင်းဖြစ်ပွားရာ နေရာ သို့ ထိုင်းအာဏာပိုင်တွေနဲ့ကယ်ဆယ်သမားတွေ ရောက်ရှိလာပြီး ဒဏ်ရာရရှိသူတွေ နဲ့ သေဆုံးသူတွေကို Said Yok ဆေးရုံသို့ ပို့ဆောင်ပေးခဲ့တယ်လို့ သိရပါတယ်။
နောက်ဆုံးသတင်းများအရ တောထဲသို့ ထွက်ပြေးသွားတဲ့ မြန်မာလုပ်သား ၁၀ ဦးကျော်ကို အာဏာပိုင်တွေက လိုက်လံဖမ်းဆီးရာ မှာ ၇ ဦးခန့် ဖမ်းမိထားပြီ ဖြစ်ကြောင်း သတင်းမှာဖေါ်ပြထားပါတယ်။
ပြီးခဲ့တဲ့ အောက်တိုဘာ ၂၁ရက်ကလည်း ကန်ချနဘူရီ ခရိုင် အတွင်းမှာ အထောက်ထားမဲ့ မြန်မာရွှေ့ပြောင်းလုပ်သား ၁၅ဦး ကို တင်ဆောင်လာတဲ့ယာဉ် ဟာ ထိုင်းရဲတပ်ဖွဲ့ရဲ့ ဖမ်းဆီးမှု ကို တိမ်းရှောင် ရင်း ဓါတ်တိုင်ကိုတိုက်မိ မှု ဖြစ်ပေါ်ခဲ့ပါသေးတယ်။
Ref-Kachanaburi News
