၂၀၂၁ခု နှစ် ၁၂ လပိုင်းကကျန်တဲ့လုပ်ခလစာနဲ့ယခုနှစ် ၁ လပိုင်းလုပ်ခလစာကိုမပေးတဲ့အပြင် ကျန်တဲ့လုပ်ခလစာတွေပေးဖို့ပြောဆိုတဲ့အလုပ်သမားတွေကိုပါစစ်တပ်ခေါ်ပြီးခြိမ်းခြောက်တာတွေပြုလုပ်နေတဲ့အတွက် လှိုင်သာယာမြို့နယ်တွင်းမှာလုပ်ကိုင်နေတဲ့ Likes View TexGarmentCo.Ltdအထည်ချုပ်စက်ရုံကအလုပ်သမားတွေအခက်ကြုံနေရတယ်လို့သိရပါတယ်။
ရန်ကုန်တိုင်းဒေသကြီး၊ လှိုင်သာယာမြို့နယ်၊ မွေးမြူးရေးဇုန် (၅) ၊ အမှတ်၆ ၊ ရွှေရင်အေးဘုရားလမ်းမပေါ်ရှိ Likes View Tex Garment Co.Ltd အထည်ချုပ်စက်ရုံရဲ့ပိုင်ရှင်သာမကအောစူပါအဖြစ်တာဝန်ယူထားတဲ့အမျိုးသမီးကအခုလိုလုပ်ခလစာတွေမပေးတဲ့အပြင် အိုတီကြေး၊ အာဝါဒီးကြေး၊ အောလင်းကြေးတွေကိုပါဖြတ်တောက်နေတာဖြစ်တယ်လို့စက်ရုံအလုပ်သမားတွေကMyanmar Labour News ကိုပြောပါတယ်။
"၁၂လပိုင်းစာကတို့တိတို့တိနဲ့ပေးတာခုထိသုံးချိုးနှစ်ချိုးပဲရသေးတယ် ခု ၁ လပိုင်း ဇန်နဝါရီ လစာကတော့လုံးဝမရသေးဘူး အဲ့ဒါကျမတို့ကတောင်းတော့မိန်းမတွေဆိုတော့ပါးစပ်ကမပေးရင်ပါးရိုက်မယ်နားရိုက်မယ်ပြောတာပေါ့ အဲ့ဒါကိုစစ်တပ်ကိုချက်ခြင်းခေါ်တော့ မနေ့ကပဲမီးတန်းတစီးစက်ရုံရှေ့ရောက်လာတယ်"လို့အဆိုပါစက်ရုံလုပ်သမားတဦးက MLNကိုပြောပါတယ်။
အဆိုပါစက်ရုံပိုင်ရှင်အမျိုးသမီးမှာမြန်မာလူမျိုးဖြစ်ပြီး တခြားရှယ်ရာရှင်တဦးလဲရှိသေးတယ်လို့လဲသိရပြီးတော့စက်ရုံကိုအလုပ်စဝင်တဲ့သူတွေအပေါ်အလုပ်သင်ကြေး ၆သောင်းတောင်းခံပြီး စက်ရုံကလစာမပေးတဲ့အတွက်အဆောင်လခမပေးနိုင်တဲ့သူတွေကိုလဲစက်ရုံရှိအဆောင်ကနေနှင်ချတာတွေပြုလုပ်နေတယ်လို့သိရပါတယ်။
"သူကတော့တိုင်ချင်တဲ့သူတိုင်စစ်တပ်ကငါ့အကိုတွေကဗိုလ်မှူးတွေပဲတဲ့ ခုကကလေးတွေမှာလဲဆန်ဖိုးဆီဖိုးတောင်မပေးနိုင်တဲ့အခြေအနေဖြစ်နေတယ် သူကဟိုနေ့ပေးမယ်ဒီနေ့ပေးမယ်ဆိုပေမယ့်အရင်ကသူကပြဿနာဖြစ်ဖူးတော့ကလေးတွေကမယုံဘူ းခုလဲပေးမယ့်ပုံကိုမပေါ်တာ"လို့စက်ရုံဝန်ထမ်းတဦးကဆက်ပြောပါတယ်။
အဆိုပါစက်ရုံတွင်းဖြစ်ပေါ်နေတဲ့လက်ရှိအခြေအနေတွေကိုစက်ရံလုပ်သမားတွေအနေနဲ့မြို့နယ်အလုပ်သမားရုံးကိုတိုင်ကြားဖြေရှင်းနေပြီး တရားစွဲကာခုံရုံးတင်စစ်ဆေးဖို့တောင်းဆိုထားတဲ့အဖွဲ့နဲ့ရရှိရမယ့်လုပ်ခလစာတွေအမြန်ဆုံးပေးဖို့တောင်းဆိုထားတဲ့အလုပ်သမားအဖွဲ့နှစ်ဖွဲ့ဖြစ်နေတယ်လို့လဲစက်ရုံအလုပ်သမားတွေကပြောပါတယ်။
"ခုက၃လပိုင်း ၁၅ ရက်နေ့ကိုအပြီးပေးဖို့ကျမတို့ဖက်ကတောင်းထားတယ်ဒါပေမယ့်သူ့ဖက်ကလုံးဝပေးမယ့်ပုံမပေါ်တဲ့အပြင်လေဘာရုံးတိုင်ထားတဲ့ကလေးတွေကိုလဲ ခြိမ်းခြောက်ထားတော့ကလေးတွေကတအားကြောက်နေကြတယ်"လို့စက်ရုံအလုပ်သမားတဦးကMLNကို ပြောပါတယ်။
အဆိုပါစက်ရုံဟာလက်ရှိလုပ်ကိုင်နေတဲ့နေရာကိုတနှစ်စာချုပ်နဲ့ငှားရမ်းထားတာဖြစပြီး ဝန်ထမ်း (၃၀၀)ခန့်ရှိကာ လက်ရှိအခြေအနေအရ ဝန်ထမ်းများမှာ လုပ်ခလစာ မထုတ်ပေးတဲ့အတွက် အိမ်လခ ၊ နေစရိတ်၊ စားစရိတ် အခက်အခဲများကြုံတွေ့နေတယ်လို့စက်ရုံအလုပ်သမားတွေကဆိုပါတယ်။
ဒါ့အပြင် Likes View Tex Garment Co.Ltd အထည့်ချုပ်စက်ရံကလုပ်သားတွေကိုအိုတီကြေး၊ ဆုကြေး၊ ရက်မှန်ကြေး၊ အာဝါတီကြေး၊ ဆုကြေးဖြတ်တောက်တာတွေအပြင်ညလုံးပေါက်အလုပ်လုပ်ခိုင်းထားတဲ့အောလင်းကြေးတွေကိုလဲမပေးဘဲ အလုပ်သမား ဉပဒေပါ အလုပ်သမားအခွင့်အရေးကိုချိုးဖောက်နေတယ်လို့ဆိုပါတယ်။
အဆိုပါစက်ရုံဟာလက်ရှိအချိန်မှာတော့ ရွှေပြည်သာကအပ်ထည်တွေကို အော်ဒါယူပြီးချုပ်လုပ်ပေးနေတယ်လို့သိရပါတယ်။