NEWS

စက်ရုံအလုပ်ရုံများမှ  အလုပ်သမားကိုယ်ရေးအချက်အလက်များကို ယခုလကုန်နောက်ဆုံးထားပေးဖို့ အလည ညွှန်ကြား

CoverLogo
394 Views

လှိုင်သာယာမြို့နယ် အတွင်း စက်မှုဇုန်​တွေက  စက်ရုံ အလုပ်ရုံ တွေ မှာအလုပ်လုပ်နေတဲ့ အလုပ်သမားတွေရဲ့ ကိုယ်ရေးအချက်အလက်စာရင်းတွေကို ဩဂုတ်လ ၃၀ ရက် မှာ နောက်ဆုံးထား ပေးပို့ဖို့ အလုပ်သမားညွှန်ကြားမှုဦးစီးဌာနက ညွှန်ကြားထားတယ်လို့ သိရပါတယ်။ 


အလုပ်သမားညွှန်ကြားမှုဦးစီးဌာနရဲ့ စက်မှုဇုန် ကော်မတီ တွေနဲ့ စက်ရုံ အလုပ်ရုံ တွေကို ပေးပို့တဲ့ အကြောင်းကြားစာမှာတော့ သန်းခေါင်စာရင်းနှင့် အိမ်အကြောင်းရာကောက်ယူရေး လုပ်ငန်း ဆောင်ရွက် ရာမှာ အဆင်ပြေစေဖို့ အတွက် စက်ရုံ အလုပ်ရုံ တွေ မှာ ဝင်ရောက် လုပ်ကိုင်နေတဲ့ အလုပ်သမားတွေရဲ့ အချက်အလက် စာရင်းတွေကို စက်ရုံ တစ်ခုချင်း အလိုက် ပေးပို့ဖို့ ညွှန်ကြားထားပါတယ်။ 


"" စက်ရုံမှာ ရှိတဲ့ အလုပ်သမား တွေရဲ့ စာရင်း ခဏခဏ ပေးနေရတာ အရင်လည်း စက်ရုံ တွေ မှာ UIDကတ်(စမတ်ကတ်)ရိုက် တုန်းကလည်း သူတို့ဆီမှာ အချက်အလက်တွေရှိတာပဲ အခုသန်းခေါင် စာရင်း အတွက် ဆိုပြီး ထပ်ကောက်တယ် တကယ်ပဲ ရွေးကောက်ပွဲ လုပ်မလို့ သန်းခေါင်းစာရင်းအတွက် ကောက်တာဆိုရင်တော့ ဘာမှ မဖြစ်ပေမယ့် စစ်မှုထမ်း အတွက် လူငယ်တွေ စာရင်း ကောက်သလို ဖြစ်နေမှာ ကိုလည်း အလုပ်သမားတွေက ကြောက်လန့်နေကြတယ်""လို့ ရွှေလင်ဗန်းစက်မှုဇုန်ရှိ အထည်ချုပ်စက်ရုံ မှ အလုပ်သမားတစ်ဦးကပြောပါတယ်။ 


စစ်မှုထမ်းဥပဒေ အရဆိုကာ အမျိုးသားတွေ ကို အသက်၁၈နှစ် မှ ၃၅နှစ် အထိ၊ အမျိုးသမီးတွေကို အသက်၁၈နှစ်မှ ၂၇ နှစ် အထိ စစ်မှုထမ်း ဖို့ သတ်မှတ်ထားပြီး  တနိုင်ငံလုံး အတိုင်းအတာနဲ့  စစ်မှုထမ်းဖို့ လူငယ်တွေကို အပတ်စဉ် အလိုက် ခေါ်ယူလျက်ရှိရာမှာလက်ရှိမှာ အပတ်စဉ် လေး အထိအမျိုးသားတွေကို  ခေါ်ယူပြီး ဖြစ်ကာ အပတ်စဉ်  ၅ မှ စပြီး အမျိုးသမီးတွေကို ခေါ်ယူဖို့ စီစဉ်ထားတယ်လို့ စစ်ကောင်စီရဲ့ ပြောရေးဆိုခွင့်ရှိသူဗိုလ်ချုပ်ဇော်မင်းထွန်းက ပြောကြားထားပါတယ်။ 


  "" ကျွန်မ တို့ လမ်းထဲ မှာတော့ စစ်မှုထမ်းဖို့  အမျိုးသမီးတွေကို စာရင်းတွေလိုက်ကောက်ပြီးပြီ  တစ်ချို့ ကလေးမလေးတွေ အလုပ်သာ လုပ်နေရတာ ဘယ်တော့ လာခေါ်မလဲ စိုးရိမ်နေကြရတာ ပြည်ပ ထွက်ဖို့ကျတော့လည်း တစ်ခုပြီး တစ်ခုပိတ် ထား တော့  မလွယ်ကူတော့ဘူးလေ အဲ့တော့ လည်း စားဝတ်နေရေး အရ ပြည်တွင်းက စက်ရုံ အလုပ်ရုံ တွေ မှာ အလုပ် လုပ်ပြီး ပဲ အခြေနေကြည့်နေရတာပေါ့""လို့ လှိုင်သာယာမြို့နယ်မှ ဒေသခံတစ်ဦးကပြောပါတယ်။ 


လတ်တလောမှာလည်း အသက် ၃၅ နှစ်မှ ၆၅နှစ်ကြား အမျိုးသားတွေ ကို ရပ်ကျေးအဆင့် ပြည်သူ့စစ် ဖွဲ့ ဖို့ စစ်သင်တန်းတတ်ရမယ်လို့ စစ်ကောင်စီက ညွှန်ကြားထားတဲ့ အတွက် ပြည်သူ​တွ စိုးရိမ်ပူပန်​နေကြပါတယ်။ 


Related posts

Cover
တရုတ်နိုင်ငံ မန််စီရဲစခန်းမှာ  ဖမ်းဆီးခံထားရတဲ့ မြန်မာ အလုပ်သမားကို ပြန်လွှတ်ပေးရေး လုပ်ငန်းခွင်ထဲက အလုပ်သမားတွေ တောင်းဆို
Apr 09, 2025
Cover
Great Summer အထည်ချုပ် သတ်မှတ် လုပ်ခလစာ အပြည့်မပေး
Apr 08, 2025
Cover
S.H Co.,Ltd အထည်ချုပ်စက်ရုံတွင် ဆဲဆိုပြီး ကိုယ်ထိလက်ရောက် ကျူးလွန်
Apr 08, 2025
Cover
ပျော်ဘွယ် KBZ ဘဏ် ဝန်ထမ်း ၁၀ဦးသေဆုံး
Apr 07, 2025
Cover
Jin Yuan(Myanmar)Garment မတ်လ လစာမပေး၊ ပေးမဲ့ရက်လည်း မပြော
Apr 07, 2025
Cover
Yoyika Garment အထည်ချုပ် သင်္ကြန်ရက်အစား ည ၈ နာရီအထိ လုပ်ကိုင်ခိုင်း
Apr 07, 2025
Cover
SUDEY Industrial Myanmar Co.,Ltd သင်္ကြန်ရက်အစားမဆင်းပါက ပိတ်ရက်ခ မပေးဟု ခြိမ်းခြောက် အလုပ်ဆင်းခိုင်း
Apr 07, 2025
Cover
ZHEJIANG TONGLI Clothing (Myanmar) ပိတ်ရက်အတွက် ထောက်ပံကြေး မပေး
Apr 06, 2025