Tainjin Fashion Milestone Co.,Ltd. (အထည်ချုပ်စက်ရုံ)က အလုပ်သမား တွေကို စက်ရုံက ဖူလုံရေးကဒ်တွေ ထုတ်မပေးလို့ ဖူလုံရေးဆေးခန်းတွေမှာ ကုသခွင့်မရဘဲ အပြင်ဆေးခန်းတွေမှာပဲ ငွေကုန်ကြေးကျ များစွာနဲ့ ကုသနေရတယ်လို့ အလုပ်သမားတွေက ပြောပါတယ်။
“ကျွန်မတို့ ဖူလုံရေးကြေးတွေကို လစဉ်ထည့်သွင်းနေတယ်။ အကျိုးခံစားခွင့်တော့ မရပါဘူး။ စက်ရုံဘက်ကို ဖူလုံရေးကဒ် ပေးဖို့ တောင်းပြန်ရင်လည်း မအားသေးလို့ မလုပ်ပေးတာဆိုပြီး ပြောပါတယ်” လို့ ဖူလုံရေးကဒ်မရတဲ့ အလုပ်သမားတစ်ဦးကပြောပါသည်။
လက်ရှိ စက်ရုံလုပ်ငန်းခွင်ထဲမှာ ကိုယ်ဝန်ဆောင်အမျိုးသမီး လုပ်သားတွေ ရှိနေပြီး ဖူလုံရေးကဒ်မရှိလို့ ကိုယ်ဝန်ဆောင် ဆေးကုသခွင့်အတွက် အခက်အခဲတွေ ဖြစ်နေတယ်လို့ သိရပါတယ်။
လုပ်ငန်းခွင်အတွင်း ကိုယ်ဝန်ပျက်ကျခဲ့တဲ့ အမျိုးသမီးတဦးမှာ လစဉ် ဖူလုံရေးကြေး ပေးသွင်းနေပေမဲ့ စက်ရုံဘက်က ဖူလုံရေးကဒ် လုပ်မပေးတာကြောင့် ဖူလုံရေးအကျိုးခံစားခွင့် မရခဲ့တဲ့အပြင် နားရက် (၃)ရက်သာ ရရှိခဲ့တယ်လို့ စက်ရုံအလုပ်သမားတွေက ပြောပါတယ်။ ဖူလုံရေးဥပဒေအရ ကိုယ်ဝန်ပျက်ကျမှုအတွက် ရက်သတ္တပတ် (၆)ပတ် နားရမယ်လို့ ပြဌာန်းထားပေမဲ့ ကိုယ်ဝန်ပျက်ကျခဲ့တဲ့ အလုပ်သမားမှာ အနားယူခွင့်မရဘဲ့ သွေးနု၊သားနုနဲ့ အလုပ်ဆင်းနေရတယ်လို့ အလုပ်သမားတွေက ပြောပါတယ်။
ဒါ့အပြင် ကြိုပို့ယာဉ်ပေါ်မှာလည်း ကိုယ်ဝန်ဆောင် အလုပ်သမားတွေမှာ မတ်တက်ရပ် လိုက်ပါ စီးနင်းနေရတယ်လို့ အလုပ်သမားတွေက ပြောပါတယ်။
“ ခေါင်းခန်းမှာ စက်ရုံကလည်း မဟုတ်တဲ့သူတွေကို ခေါ်တင်တယ်၊ ကိုယ်ဝန်သည်တွေက ကားနောက်က မတ်တပ်ကြီး။ တံတားဖြူကားဆိုလည်း အောစူပါက ရှေ့က ထိုင်လိုက်တယ်။ ကိုယ်ဝန်ဆောင်ကတော့ နောက်က လိုက်စီးရတာတွေပေါ့။ ဘယ်လိုမှ မြင်မကောင်းဘူး။” လို့ ပြောပါသည်။
စက်ရုံအတွင်း လုပ်သက်တစ်နှစ်ကျော် အလုပ်သမားတွေကို EC စာချုပ် ချုပ်ပေးတာတွေ မရှိတဲ့အပြင် လုပ်ငန်းခွင်ချိုးဖောက်မှုတွေအတွက် စက်ရုံ WCC အဖွဲ့ကို အကူညီတောင်းမရ ဖြစ်နေတယ်လို့ အလုပ်သမားတွေက ပြောပါတယ်။
“WCC ကို စာတင်ပြီး အကူအညီတောင်းထားတာတွေ အများကြီးရှိတယ်။ မရပါဘူး WCC နဲ့ ညှိနှိုင်းရေးလုပ်ထားတာတွေကိုလည်း အကောင်အထည်မဖော်ဘူး။ ဒါတွေကို ဖြစ်စေချင်တာ။ “ အမျိုးသမီး အလုပ်သမားတဦးက ပြောပါသည်။
WCC အဖွဲ့ကို ပြန်လည်ရွေးချယ်စေလိုပြီး ညှိနှိုင်းထားတဲ့ ရလဒ်တွေအတိုင်း အကောင်အထည်ဖော်ပေးဖို့ လိုအပ်တယ်လို့ အလုပ်သမားတွေက ပြောပါတယ်။
Tainjin Fashion Milestone စက်ရုံကတော့ လှိုင်သာယာမြို့နယ်၊ရွှေလင်ဗန်းစက်မှုဇုန်၊ ဆိပ်ကမ်းသာလမ်းနှင့် ကမ်းနားလမ်းထောင့် မှာ ရှိပြီး အလုပ်သမားဦးရေ ၁၄၀၀ ဝန်းကျင်နဲ့ Sinsay , VERO MODA တံဆိပ်ကို ချုပ်လုပ်နေတယ်လို့ သိထားပါတယ်။
NEWS
Tainjin Fashion Milestone စက်ရုံတွင် ဖူလုံရေးကြေး လစဉ်ထည့်သွင်းရပေမဲ့ အကျိုးခံစားခွင့်များ ဆုံးရှုံးနေရ


416 Views
Related posts

အလုပ်ပိတ်ရက် မပေးဘဲ တစ်ဖက်သတ် ခိုင်းစေ
Mar 18, 2025

Alpha Best Global Limited ဖိနပ်စက်ရုံတွင် လုပ်ခလစာ တိုးမြှင့်ပေးရေး တောင်းဆို
Mar 18, 2025

လုပ်ငန်းခွင်တွင်း ချိုးဖောက်မှုများကို လာရောက်စစ်ဆေးသော်လည်း ဆက်လက်ချိုးဖောက်နေဆဲဖြစ်
Mar 18, 2025

မန်စီမြို့Honbo အထည်ချုပ် မြန်မာလုပ်သားများအား ကိုယ်ထိလက်ရောက် ကျူးလွန်၊ တရုတ်တွင် တနင်္ဂနွေ ပိတ်ရက်မရှိဟု ပြောဆို ခိုင်း
Mar 17, 2025

တရုတ်ပြည် (မန်စီ)ဟန်ဒါ စက်ရုံ အလုပ်မတရားသဖြင့် ခိုင်းနေ
Mar 17, 2025

Myanto အထည်ချုပ် ပယ်ထည် တခါကျ ကျပ် ထောင့်ငါးရာဖြတ်
Mar 15, 2025