SUNLONG (Myanmar) Sports Co.,Ltd (စန်းလုံ)အိတ်ချုပ် စက်ရုံကပါ ရှင့်။
အကူညီလေး တောင်းချင်ပါတယ်ရှင့်။ .
ရွှေပြည်သာမြို့နယ်သာဓုကန်စက်မှုဇုန် ၊ နွားခြံမှတ်တိုင်အနီး၊ maxဆီဆိုင်အရှေ့(စန်းလုံ) အိတ်ချုပ်စက်ရုံမှာ အလုပ်ဆင်းနေသူပါရှင့် ။ စက်ရုံပိုင်ရှင်က တရုတ်နိုင်ငံသားပါ။
စက်ရုံမှာ အချိန်ပို OTတွေ အရမ်းဆင်းနေရ လို့ပါ။ ဘယ်လိုမှ အဆင်မပြေဖြစ်နေပါတယ်။
အချိန်ပိုက ည၈ခွဲအထိ နေ့တိုင်း ခေါ်ပါတယ်။
စနေနေ့ တစ်ရက်ပဲ ၆နာရီခွဲအထိ ဆင်းရပါတယ်။ တနင်္ဂနွေဆိုလည်း တစ်ပတ်ခြားဆင်းပေးရပါတယ်
မဆင်းရင်လည်း မရပါဘူး။ နားမခံနိုင်အောင် ဆူပူပါတယ်။
မဆင်းလို့လည်း မရဘူးဆင်းနေရပါတယ်။
ညီမတို့မှာ အချိန်ပိုတွေများလို့ စိတ်ပင်ပန်း၊ လူပင်ပန်းတော့ နားချင်ကြတာပါ။ တခါတလေတောင် အချိန်ပို နားခွင့်မရပါဘူး။
ဒီလို အချိန်ပိုဆင်းရတာက ၄ လ ပိုင်း (မတ်လ)တည်းက ဆင်းနေရတာပါ။ အခု ၇လ ပိုင်း (ဇွန်လ) ကုန်ရောက်နေပါပြီ၊ အခုထိဆင်းနေရပါတယ်။
အချိန်ပိုတွေ ဆင်းရတာကြာလာတော့ ကျန်းမာရေးလည်းထိခိုက်ပါတယ်။
အလုပ်ချိန်နောက်ကျမှ အိမ်ပြန်ရတာလည်း အဆင်မပြေလို့ပါ။ လုံခြုံရေးအခြေအနေနဲ့မို့ လမ်းခရီး တခုခု ဖြစ်မှာ စိုးရိမ်ပါတယ်။
စက်ရုံကတော့ အားကစားအိပ်တွေနဲ့ ခရီးဆောင်အိပ်တချို့ ချုပ်ပါတယ်။
ညီမတို့ အခက်အခဲကို သက်ဆိုင်သူတွေကို သိစေချင်ပါတယ်။
Myanmar Labour News ကို အကူအညီတောင်းပါတယ်။
