SUNLONE MYANMAR SPORTS CO, LTD ကျောပိုးအိတ်စက်ရုံက နားရက်မရှိ အချိန်ပိုဆင်းခိုင်းပြီး မဆင်းနိုင်သည့် အလုပ်သမားတွေကို အလုပ်ထွက်ဖို့ ပြောဆိုတယ်လို့ အလုပ်သမား တွေက ပြောပါတယ်။
၄လပိုင်း (ဧပြီ )ကတည်းက အချိန်ပိုတွေ လုပ်ကိုင်ခဲ့ ရတာဖြစ်ပြီး လာမဲ့ ဩဂုတ် လအထိ လုပ်ရမယ်လို့ စက်ရုံဘက် ပြောဆိုနေတာလို့ မြန်မာနိုင်ငံအထွေထွေ အလုပ်သမား သမဂ္ဂများအဖွဲ့ချုပ် - FGWM ကို အလုပ်သမားတွေက ပြောပါတယ်။
"နေ့တိုင်း ည ၈ နာရီခွဲ ထိဆင်းပေးရတယ်။ ၉လပိုင်းထိ အချိန်ပိုခေါ်မယ်ပြောတယ် ။ ကြာတော့ကျန်းမာရေး ထိခိုက်လာတယ်။ရက်ဆက်ဆိုတော့ မဆင်းနိုင်တော့ဘူး ။ အရမ်းပင်ပန်းတယ်၊ နောက်ကျမှဆိုတော့ အိမ်ပြန် လမ်းမှာ မလုံခြုံတာတွေရှိလာတယ်"လို့ အလုပ်သမားတွေက ပြောပါတယ်။
အချိန်ပိုတွေ အများအပြားလုပ်ကိုင်ရလို့ နားရက်တောင်းခဲ့ပေမဲ့ မရသလို တာဈန်ရှိသူတွေက ခြိမ်းခြေက်ပြောဆိုတယ်လို့ အလုပ်သမားတွေက ပြောပါတယ်။
"တစ်ရက်တလေနားချင်လို့ ခွင့်တောင်းလည်းခွင့်မပေး ။ ခွင့်ယူရင်လည်း ဆူပူကြိမ်းမောင်းတာခံရတယ် ။ OT မဆင်းနိုင်ရင်အလုပ်ထွက်ဆိုပြီး ခြိမ်းခြောက်တာခံရတယ် ။ " လို့ပြောပါတယ်။
စက်ရုံဘက်က ခွင့်မပေးတဲ့ အပြင် ရက်ပျက် သတ်မှတ်ပြီး ရက်မှန် ကြေး အဖြတ်ခံရတယ်လို့ သိရပါတယ်။ "တစ်ရက် အလုပ်ပျက်တာနဲ့ ရက်မှန်ကြေး အကုန်ဖြတ်တယ် ၊ နေမကောင်းလို့ အရေးတကြီး ကိစ္စရှိလို့ ဂိတ်ပတ်တောင်းလည်း အလွယ် တကူမရဘူး ။ အဆင့်ဆင့်ခွင့်တောင်းရတာ မလွယ်ပါဘူး ။၊ ညဘက်ဆို တချို့အမျိုး သမီးတွေက ကားမှတ်တိုင်နဲ့ အိမ်နဲ့ဝေးလို့ လမ်းလျှောက်ပြန်ရတာတွေ ရှိတယ် တချိုးလည်း အရမ်းဝေး တဲ့နေရာတွေပြန်ရတော့ အလုပ်သမားတွေမှာ အစစအရာရာ လုံခြုံမှုမရှိဘူး ။ စိုးရိမ်နေရတယ် ။ “ လိုပ အလုပ်သမားတစ်ဦး ကပြောပါတယ်။
SUNLONE MYANMAR SPORTS CO, LTD စက်ရုံမှာ A ရုံ B ရုံ နှစ်ရုံခွဲထားပြီး အချိန်ပို အလွန်အကျွံခေါ်တဲ့ စက်ရုံက Bရုံ လို့ သိရပါတယ်။
"Aရုံက လက်အိတ်တွေချုပ်တယ်။ Bရုံက ကျောပိုးလွယ် အိတ်ချုပ်တယ် ။ OT စနေနေ့ဆိုလည်း ညနေ ၆ နာရီခွဲကို အပတ် တိုင်းဆင်း ပေးနေရတာ။" လို့ အလုပ်သမားတွေက ပြောပါတယ်။
SUNLONE MYANMAR SPORTS CO, LTD စက်ရုံမှာ MADE IN MYANMAR တံဆိပ်ပါ အိတ်တွေချုပ်နေပြီး တရုတ်နိုင်ငံကို ပို့ ဆောင်မယ်လို့ သိရပါတယ်။ လက်ရှိ ၅၀၀ ဝန်းကျင် လုပ်ကိုင်နေတယ်လို့ သိထားပါတယ်။
စက်ရုံက ရန်ကုန်တိုင်း ၊ ရွှေပြည်သာစက်မှုဇုန် ၊နွားခြံမှတ်တိုင်အနီးမှာ ရှိပြီး တရုတ်နိုင်ငံသားပိုင် စက်ရုံ ဖြစ်ပါတယ်။
