NEWS

Skytex Myanmar နေ့စဉ် ညနက် အချိန်ပိုနှင့် စနေနေ့မှာ အော်လင်း ဆင်းခိုင်း

CoverLogo
363 Views
အားကိုးတကြီး အကူအညီတောင်းချင်ပါတယ် ရှင့်။
 
ကျွန်မက ပဲခူးကပါ ။ စက်ရုံနာမည်က Skytex Myanmar ပါ ။
 
အခုညီမတို့ မတရား ခိုင်းစေခံရပါတယ် ။
 
သက်ဆိုင်ရာကို အသိပေးချင်တာက စက်ရုံက အချိန်ပိုတွေ အရမ်းခေါ်ခိုင်းနေလို့ပါ။ နေ့တိုင်း အချိန်ပို အိုတီ ည၁၂နာရီ အထိဆင်းရပါတယ် ။ တချို့က ည ၇နာရီ မှာ ပြန်ရပါတယ် ။ နေ့တိုင်းည၁၂ နာရီထိဆင်းပြီး မနက်ကို အလုပ်ပြန်ဆင်းရပါတယ်။ ညီမတို့အတွက် အဆင်မပြေတော့ ပါဘူး။ စနေနေ့ဆို အောလင်းထပ် ဆင်းရသေးပါတယ်။
 
အခု အိုတီ နေ့တိုင်းမဆင်းနိုငိတော့တာကို အတင်းအကျပ်ဆင်း ခိုင်းပါတယ်။ မဆင်းရင် နောင်နေ့ အိုတီမပေးပါဘူး။ ပြန်ခိုင်းပါတယ်။ ညီမတို့ နေ့တိုင်း အချိန်ပို လုပ်ပေးတာပါ။ တရက်တလေ နားခွင့်မရဘူးလား ဆိုတာပါ။
 
စက်ရုံမှူးက မတရားခိုင်းပြီး အမြဲအော်ဟစ်ပြောဆိုနေပါတယ်။ အလုပ်ခွင်မှာ နေတိုင်း ငရဲကျသလို စိတ်ညစ်ရပါတယ်။ အခုလည်း အိုတီ မတရားခေါ်ပြီး ခိုင်းတာ အဆင်မပြေလို့ အကူအညီတောင်းပါတယ်။
 
အလုပ်မှာဆို စံချိန်တောင်းတဲ့ အပြင် သန့်ရှင်းရေးကို အချိန်တိုင်း လုပ်ခိုင်းပါတယ်။ အမွှေးပွတွေချုပ်ရတော့ အမြဲပွနေတာပါ။ ဒါကို စက်ရုံမှူးက အတင်းအကျပ် သန့်ရှင်းရေး လုပ်ခိုင်းပါတယ်။ စံချိန်ရဖို့ မထနိုင်အောင် ချုပ်ရပါတယ်။ ဒီလို လုပ်နေရတာကို သန့်ရှင်းရေး လုပ်ခိုင်းတာပါ။ မလုပ်ရင်လည်း ဝမ်တိန်ထိုးခိုင်းပါတယ်။ ကျွမ်းကျင်ကြေးလည်း ဖြတ်ပါတယ်။
 
စက်ရုံက၂နှစ်ကျော်တဲ့အထိ နှစ်ခွင့်မပေးခဲ့လို့ မန်နေဂျာ အသစ်ပြောင်းမှ ဝိုင်းတောင်းလို့ နှစ်ကြေးထုတ်ပေးခဲ့ တာပါ။ အခု အလုပ်သမားတွေကြုံရတာကို မြန်မာမန်နေဂျာက ပြောပေးပါတယ်၊ စက်ရုံမှူး ကလက်မခံလို့ အကူအညီတောင်းတာပါရှင်။
 
ဒီစက်ရုံသတင်းကို လေဘာရုံးတွေလဲ ဂရုစိုက်ဖတ်စေ ချင်ပါတယ်။
စက်ရုံက ကလိတပ်ကလေးကျေးရွာ၊ ပဲခူးမြို့နယ်၊ ပဲခူးမြို့မှာပါ။
ကျေးဇူးတင်ပါတယ် ရှင့်။

Related posts

Cover
အပိုထောက်ပံ့ကြေး ၃ ကြိမ်မြောက်တိုးမြှင့်မှု အပေါ် ဝေဖန်မှုတွေရှိနေ
Oct 01, 2025
Cover
ခြိမ်းခြောက်ခိုင်းစေခြင်းမပြုရေး အလုပ်သမားတွေတောင်းဆို
Oct 01, 2025
Cover
၃ လနီးပါး ပိတ်ရက်မရှိ အချိန်ပိုအခမဲ့ဆင်းပေးနေရလို့ ဖြေရှင်းပေးရန် အလုပ်သမားတွေတောင်းဆို
Oct 01, 2025
Cover
တစ်ပတ်တာသတင်း အနှစ်ချုပ်ဖော်ပြချက်
Oct 01, 2025
Cover
အချိန်ပိုဖိအားပေးခိုင်းစေမှုနဲ့ အခွင့်အရေးချိုးဖောက်မှုတွေ ဖြေရှင်းပေးဖို့ အလုပ်သမားတွေလိုလားနေ
Oct 01, 2025