ရန်ကုန်တိုင်း၊ လှိုင်သာယာမြို့နယ် ၊စက်မှုဇုန်(၂)၊အက္ခရာမင်းသားကြီးလမ်းတွင်ဖွင့်လှစ်ထားသောအိန္ဒိယနိုင်ငံသားပိုင် SIOEN Myanmar Garment
စက်ရုံမှာအလုပ်သမားများကိုဥပဒေမဲ့စွာအကြိမ်ကြိမ်အလုပ်ထုတ်နေတဲ့အပြင်အလုပ်သမားခေါင်းဆောင်အမျိုးသမီး အပါအလုပ်သမားအမျိုးသားတဦး အမျိုးသမီးတဦးကိုပါ စစ်ကောင်စီတပ်သားတွေကစက်ရုံဝင်းထဲအထိဝင်ရောက်ဖမ်းဆီးခိုင်းတာတွေရှိနေတယ်လို့သိရပါတယ်။
အဆိုပါစက်ရုံဟာ အလုပ်သမားအင်အား(၇၀၀)ကျော်တို့ဖြင့်လည်ပတ်လျှက်ရှိတဲ့အထည်ချုပ်စက်ရုံတခုလို့သိရပါတယ်။
"စက်ရုံမှာအလုပ်သမားများကိုအလုပ်ခန့်ပြီးနေ့စားလရှင်းဖြင့်အလုပ်စေခိုင်းပြီးအလုပ်ဆင်းရက်(၂) လပြည့်သည့်နေ့တွင်အကြောင်းပြချက်မရှိလူအင်အားလျော့ချသည်ဟုဆိုကာအလုပ်ထုတ်ပယ်ခဲ့တယ်လို့ အလုပ်သမားတွေကဆိုပါတယ်။
ဖေဖော်ဝါရီ လတွင်အလုပ်သမား(၆၀)ကျော်ကိုလည်းဥပဒေမဲ့အလုပ်ထုတ်မှုများလည်းရှိခဲ့တယ်လို့ သိရပါတယ်။
"အလုပ် ထုတ်မှုသည်အကြိမ်ကြိမ်ရှိနေတဲ့အပြင်
လစာသမားများကိုလည်းရုံးခန်းထဲသို့ခေါ်ယူကာနေ့စားအလုပ်သမားများအလုပ်လုပ်သည့်နေရာတွင် အလုပ်လုပ်ရမည်ဟုပြောကာလက်မှတ်ထိုးခိုင်းပြီးလက်မှတ်မထိုးသောအလုပ်သမားများကိုလည်း အလုပ်မှထုတ်ပယ်ခဲ့တယ်"လို့နစ်နာသူအလုပ်သမားတွေကပြောပါတယ်။
SIOEN Myanmarစက်ရုံမှ၂လပြည့်သည့်နေတွင်လူအင်အားလျော့ချခံခဲ့ရသောအလုပ်သမားများကိုလူသစ်အလုပ်သမားများအနေ ဖြင့်ထပ်မံခေါ်ယူစေခိုင်းမှုလည်းရှိပြီးထိုလုပ်ရက်သည်အလုပ်သမားများအပေါ် အလုပ်ရှင်မှအ ကြိမ်ကြိမ်ချိုးဖောက်မှုများပြုလုပ်လျှက်ရှိနေတယ်လို့နစ်နာသူအလုပ်သမားတွေရဲ့ပြောကြားချက်အရသိရပါတယ်။
SIOEN စက်ရုံမှာသမဂ္ဂအဖွဲ့အစည်းရှိပေမယ့်နိုင်ငံရေးအခြေအနေကြောင့်သမဂ္ဂများလှုပ်ရှားမှုရပ်တန့်နေရတယ်လို့လဲအလုပ်သမားတွေကဆိုပါတယ်။
"စကစဘက်မှလည်းအလုပ်သမားဦးဆောင်သူအမျိုးသမီးတစ်ဦးကိုစက်ရုံထဲ၀င်ရောက်ဖမ်းဆီးမှုရှိပြီး၊ မကြာမှီအချိန်အတွင်းမှာလည်းအလုပ်သမားအမျိုးသားတစ်ဦးနှင့်အမျိုးသမီတစ်ဦးကိုစက်ရုံအတွင်းထဲမှစကစလာရောက်ဖမ်းဆီသွားသည့်အထိဖြစ်ပွားခဲ့ပါတယ်"လို့အမည်မဖော်လိုတဲ့အလုပ်သမားတဦးပြောပါတယ်။
လက်ရှိအလုပ်သမားများအနေနှင့်စက်ရုံရဲ့
အလုပ်ရှင်မှဥပဒေမဲ့အလုပ်သမားကိုအလုပ်ထုတ်ခြင်းများမပြုလုပ်ရန်နှင့်နေ့စားအလုပ်သမားခေါ်ယူခိုင်းစေခြင်းများကိုဥပဒေနှင့်အညီဆောင်ရွက်ပေးဖို့လိုလားနေကြတယ်လို့သိရပါတယ်။
SIOEN Myanmarအထည်ချုပ်စက်ရုံဟာ SIOEN အမှတ်တံဆိပ်နဲ့ကိုယ်ပိုင် Brand အထည်တွေချုပ်လုပ်ပြီးစျေးကွက်ထဲကိုတင်ပို့ရောင်းချနေတဲ့စက်ရုံတခုဖြစ်တယ်လို့ သိရပါတယ်။
