NEWS

SDI Manufacturing စက်ရုံချိုးဖောက်မှုအား ကောလာဟလ ဟု အလုပ်သမားရုံးတာဝန်ရှိသူက ပြောဆို ၊ လက်ရှိ ဓါတ်လိုက်မှုများအား စက်ရုံမှ ပြုပြင်ခြင်းမရှိ

CoverLogo
266 Views
 
SDI Manufacturing စက်ရုံလုပ်ငန်းခွင်မှာ အမိုးမလုံဘဲ မိုးရေယိုစိမ့်မှုကြောင့် ဓါတ်လိုက်မှုတွေ မကြာခဏ ဖြစ်ပွားနေပေမဲ့ လုပ်ငန်းပိုင်ရှင်က ပြုပြင်ပေးတာ မရှိဘူးလို့ အလုပ်သမားတွေက ပြောပါတယ်။ ဓါတ်လိုက်မှုတွေက အရင်ကာလထည်းက ဖြစ်ပွားနေတာ ဖြစ်ပြီး မိုးရာသီမှာ ပိုမို ဖြစ်ပွားလာတာလို့ မြန်မာနိုင်ငံကုန်ထုတ်နှင့်စက်မှုလက်မှုအလုပ်သမားများအဖွဲ့ချုပ်((IWFM) ကို အလုပ်သမားတွေက ပြောပါတယ်။
 
“အခုမိုးရာသီရောက်ပြီ၊ စက်ရုံကအမိုးမလုံတာလည်း မပြင်၊ ဓာတ်လိုက်တာလည်း အရင်ထက်ပိုပြီးများလာတယ်။ ဒီလိုအန္တရယ်ရှိနေတာကို အလုပ်ရှင်ရော၊ တာဝန်ရှိသူတွေကပါ ပြုပြင်မပေးတာပါ။” လို့ ပြောပါတယ်။
 
အလုပ်သမား ဥပဒေပါ ခွင့်ရက်ခံစားခွင့်တွေကို အလုပ်ရှင်(စက်ရုံ)ဘက်က မပေးဘဲ၊ ခွင့်တိုင်ကြားပေမဲ့ လစာမဲ့ခွင့် သတ်မှတ်ပြီး လုပ်ခလစာ ပိုက်ဆံ ဖြတ်တောက်၊ အထည်စံချိန်ကို အော်စူပါ၊ စူပါတွေက အော်ဟစ်ဆဲဆိုပြီး ဖိအားပေး တောင်းတာ၊ လူငယ်၊လူရွယ်အလုပ်သမား ၃၀ကျော်ကို နေ့စားအလုပ်သမား ခိုင်းစေပြီး လုပ်သက် ၃ လပြည့်ပေမဲ့ အတည်ပြု ခန့်ထားခြင်းမရှိတာ၊ အချိန်ပို ည၈နာရီအထိ အတင်းအကျပ်ဆင်း ခိုင်းစေတာ စတဲ့ ဥပဒေချိုးဖောက်မှုတွေ ဆက်လက် ဖြစ်ပေါ်နေတယ်လို့ အလုပ်သမားတွေက ပြောပါတယ်။
 
“စက်ရုံမှာ လုပ်ငန်းခွင်ချိုးဖောက်တွေကို လေဘာရုံကလူကြီးတွေလာစစ်တယ်။ လုပ်ငန်းခွင် ရောက်ရောက်ခြင်း သူတို့ အရင်ဆုံးပြောတာက “လိုင်းပေါ်မှာ စက်ရုံဘက်ကချိုးဖောက်မှုသတင်းတွေ တင်တာတွေ့လို့ အထက်ကစာကျလို့ လာရောက်စစ်ဆေးတာ။ လိုင်းပေါ်မှာတင်တဲ့ စက်ရုံကသတင်းဟာအမှန် မဟုတ်ဘူး၊ ကောလဟာလ” ဆိုပြီး လေဘာရုံးက လူကြီးတွေကပြောတယ်။ အဲ့ဒါ ဘာမှ မစစ်သေးဘူးနော်။ စက်ရုံသတင်းကို မမှန်ဘူးလို့ ပြောကတည်းက သူတို့ စစ်ဆေးတာကို စက်ရုံအခြေအနေ အမှန် မပြောရဲတော့ဘူး။ အမှန်အတိုင်း ချိုးဖောက်မှုတွေ ပြောလည်း အလုပ်ထုတ်ခံရတော့မယ်။ နားထောင်ပြီး ပြန်လာလိုက်တာ။ ” လို့ ပြောပါတယ်။
 
SDI Manufacturing Co;Ltd စက်ရုံမှာ အလုပ်သမား ၁၀၀၀ ကျော် လုပ်ကိုင်နေပြီး Fourth dimension တံဆိပ် ဘောင်းဘီတွေ ချုပ်လုပ်နေပါတယ်။ စက်ရုံမိုးမလုံတာ၊ သန့်စင်ခန်းမကောင်းတာနဲ့ လူရွယ် လုပ်သားတွေကို အတည်ပြုခန့်ထားတာ မရှိတာတွေက ၂၀၂၃ ခုနှစ် မတိုင်မီကတည်းက ဖြစ်ပေါ်နေတာကို Myanmar Labour News ရဲ့ သတင်းတွေမှာ တွေ့ရှိရပါတယ်။ ၂၀၂၅ ခုနှစ် မတ်လအတွင်းမှာ အလုပ်သမားတွေကို လက်နက်ကိုင် အဖွဲ့အစည်းတွေကို ခေါ်ယူမယ်ဆိုပြီး စက်ရုံ HR မန်နေဂျာက ဖိအားပေး ခြိမ်းခြောက်ခဲ့ပါတယ်။

Related posts

Cover
လုပ်ငန်းခွင်ဆိုင်ရာချိုးဖောက်မှုတွေ ဖြေရှင်းပေးစေလိုဟုဆို
Jul 19, 2025
Cover
အလုပ်သမားသဘောတူညီချက်မရှိဘဲ မိုးလင်းပေါက် အချိန်ပိုခေါ်ယူနေ
Jul 19, 2025
Cover
ခွင့်တရက်ယူပါက ကျပ် ၇၀၀၀၀ ထိဖြတ်တောက်ခံနေရပြီး ဥပဒေပါခံစားခွင့်ဆုံးရှုံးနေရ
Jul 19, 2025
Cover
Myanmar Fala Fala အထည်ချုပ်စက်ရုံတွင် လုပ်ခလစာ တိုးမြှင့်ပေးရေး အလုပ်သမာများ တောင်းဆိုနေ
Jul 17, 2025
Cover
Yongon Fashion Myanmar အလုပ်သမားများ တောင်းဆိုမှု ပမာဏအနည်းငယ်တိုးမြှင့်ရ
Jul 17, 2025
Cover
Myanmar Xing He အထည်ချုပ် အာဇာနည်နေ့ အတင်းအကျပ် အချိန်ပိုဆင်းခိုင်း
Jul 17, 2025
Cover
အချိန်ပို ဖိအားပေးခိုင်းစေမှုကြောင့် အခက်တွေ့နေဟုဆို
Jul 17, 2025
Cover
အမျိုးသားတစ်ဦးကို ငါးဖမ်းသင်္ဘောပေါ် ပို့ဆောင်ပြီးလုပ်အားခ ခေါင်းပုံဖြတ်သူတွေကို လူကုန်ကူးမှုနဲ့ ပြစ်ဒဏ်ချ
Jul 17, 2025