NEWS

Preclo Myanmar စက်ရုံ အချိန်ပို မဆင်းသည့် အလုပ်သမားများအား အကျပ်ကိုင် ဖိနှိပ်

CoverLogo
263 Views
 
Preclo Myanmar စက်ရုံ က တနင်္ဂနွေ ပိတ်ရက်နဲ့ အောနိုက်တွေ ဆက်တိုက် ခေါ်ယူနေပြီး အကျပ်ကိုင် ဖိနှိပ်တာတွေ ပြုလုပ်နေတယ်လို့ အလုပ်သမားတွေက ပြောပါတယ်။ စက်ရုံဘက်က အချိန်ပို မလုပ်ကိုင်တဲ့ အလုပ်သမားတွေကို ပွိုင့်ချိန်း(ကော်လံ၊ အိပ်ကပ်၊ လက်၊ ဇစ် တမျိုးမျိုးကို ပြောင်းလဲ ချုပ်ခိုင်း) တာနဲ့ အထည် ဆုကြေး ဖြတ်တောက်တာတွေ ရှိနေတယ်လို့ ပြောပါတယ်။
 
" အချိန်ပို ဆင်းရတယ် ။ မဆင်းနိုင်လို့ ပြောရင်လည်း မရဘူး။ တနင်္ဂနွေ နေ့လဲ အထည်အရေးကြီးနေလို့ ဆိုပြီး ဆင်းခိုင်းတယ်။မဆင်းမရဘူး ဆိုပြီး ပြောတယ် ။ မဆင်းရင် နောက်နေ့ ပွိုင့်အပိုင် မပေးတော့ ဘူး ပွို။ အချိန်ပို မဆင်းရင် ပွိုင့်ချိန်းတာ ဆိုတော့ မဆင်းချင် လဲ ဆင်းရတယ် ငြင်းလို့မရဘူး ဖြစ်နေတယ် " ဆိုပြီး ပြောပါတယ်။
 
စက်ရုံက အထည်ကြေး Ticket စက်ရုံဖြစ်တာကြောင့် ပွိုင့်ပိုင်ရှိမှ လစာ ပိုရတယ်လို့ အလုပ်သမားတွေ က ပြောပါတယ်။ အချိန်ပို အောနိုက် ညတိုင်း ဆင်းနေရပြီး မနက် ကြိုပို့ယာဉ် စီစဉ်မပေးတာကြောင့် ကိုယ်စာရိတ်နဲ့ကိုယ် အိမ်အပြန် ရတာ ဖြစ်တယ်လို့ အလုပ်သမားတွေက ပြောပါတယ်။
 
“မနက်ထ အပြန်ဆို ကြိုပို့တွေ မပေးဘူး။ ညဘက် အိုတီ ဆင်းခိုင်းပြီး၊ ထမင်းမကျွေးဘူး။ ထမင်းဖိုး လည်း မပေးဘူး ။ကိုယ့်စရိတ်နဲ့ကိုယ် လုပ်ပေးရတာဆိုတော့ လူတွေပဲ ပင်ပန်းတယ်၊ ပိုက်ဆံလည်း မရဘူး။.”လို့ ပြောပါတယ်။
 
ဒါ့အပြင် နေထိုင်မကောင်းလို့ ၊ အရေးပေါ်ကိစ္စ ပဲ ဖြစ်ဖြစ် ခွင့်ယူ ရက်ပျက်ပါက ပုံမှန်ချုပ်နေတဲ့ ပွိုင့်ကို မပေးတော့ဘူးလို့ အလုပ်သမားတွေက ပြောပါတယ်။ ဒါကြောင့် ဘာကိစ္စပဲ ရှိရှိ နေထိုင် မကောင်း လည်း အလုပ်ဆင်းပေးနေရတယ်လို့ အလုပ်သမားတွေက ပြောပါတယ်။
 
" နေမကောင်း လို့ ဆေးခွင့်ပဲယူယူ၊ ကိစ္စ ရှိလို့ ခွင့်ယူတာပဲ ဖြစ်ဖြစ်၊ ၁ရက်ထပ် ပိုသွားရင် ဘယ်ခွင့်နဲ့ ပျက်ပျက် ပွိုင့်အပိုင်မပေးတော့တာ ။ ဘယ်ရက်မှ ပြန်ပြီး ပွိုင့်ပေးမယ်ဆိုတာလဲ မသိရဘူး။ ပွိုင့်မပေး တော့ လစာနည်းပြီ ။ စက်ရုံမှာက နေမကောင်း ရင်တောင် နားလို့မရဘူး ။ နေမကောင်းလဲ လာဆင်း ပေးနေရတယ်။ ” လို့ ပြောပါတယ်။
 
အချိန်ပိုတွေ အလွန်အကျွံခေါ်ခိုင်းလို့ မကြာခဏ တိုင်ကြားပေမဲ့ ရက်အနည်းငယ်သာ ရပ်နားပြီး ပြန်လည် ခိုင်းစေနေတယ်လို့ စက်ရုံအလုပ်သမားတွေက ပြောပါတယ်။
 
Preclo Myanmar စက်ရုံ မှာ လုပ်သား ၁၅၀၀ ဝန်းကျင်လုပ်ကိုင်နေပြီး ရန်ကုန်မြို့၊ ရွှေပြည်သာမြို့နယ်၊ စက်မှုဇုန် ၁၊ စက်မှုလမ်းသွယ် ၁ လမ်း မှာ ဖွင့်လှစ်ထားတဲ့ တရုတ်နိုင်ငံသားပိုင် အထည်ချုပ်စက်ရုံ ဖြစ်ပါတယ် ။

Related posts

Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
SHWE MYINN ရေလျှော်စက်ရုံ အချိန်ပို ညလုံးပေါက် လုပ်ကိုင်ခိုင်း
Aug 22, 2025
Cover
Chi Mei အထည်ချုပ် အချိန်ပို အတင်းအကျပ် ခိုင်းစေ
Aug 22, 2025
Cover
Sky Fashion Myanmar လုပ်ခ လျှော့ပေးသည့်အပြင် လစာခွဲခြားပေး၊ အလုပ်ထုတ်
Aug 22, 2025
Cover
ပိတ်လိပ်ခိုးယူသည်ဟုစွပ်စွဲခံရသည့် အလုပ်သမား ၂ ဦး ဖမ်းဆီးခံရပြီး ပျောက်ဆုံးနေ
Aug 21, 2025
Cover
J&F Myanmar LNY Caps စက်ရုံ အလုပ်သမားများအား HR မန်နေဂျာ ခွဲခြားဆက်ဆံနေ
Aug 21, 2025
Cover
Great Glowin (JW) နှင့် Glowin & Win (ADK)စက်ရုံလုပ်သားများ အခွင့်အရေး ချိုးဖောက်ခံနေရခြင်းနှင့် လုပ်ငန်းခွင် ဖိနှိပ်မှုများ
Aug 20, 2025