NEWS

OWIC ကတ်ပေါ် တွင် လုံခြုံရေးစတစ်ကာ ကပ်ပေးမည်ဟုဆို

CoverLogo
177 Views
 
ပြည်ပအလုပ်အကိုင်အလုပ်သမားသက်သေခံကတ်(OWIC)ကို လာမယ့် ဩဂုတ်၁ရက်က စပြီး ကတ်ပေါ်မှာ လုံခြုံရေး စတေကာ sticker ကပ်ပြီး ထုတ်ပေးမယ် လို့ အလုပ်သမားဝန်ကြီးဌာနက ထုတ်ပြန်ကြေညာပါတယ်။
 
OWIC ကတ် အတုအပ မရှိစေဖို့နဲ့ ပိုမိုလုံခြုံမှုရှိစေရန် ရည်ရွယ်ပြီး OWIC ကတ် ပေါ်မှာ လုံခြုံရေး Sticker ကပ်ပြီး ထုတ်ပေးတာ ဖြစ်တယ်လို့ ဆိုပါတယ်။
 
၎င်းကတ် ကို နိုင်ငံကူးလက်မှတ် passport for job -PJ ကိုင်ဆောင်ထားပြီး ပြည်ပကို သွားရောက် အလုပ်လုပ်ကိုင်မယ့် အလုပ်သမားတွေ ပြည်ပကို ရောက်ရှိချိန်မှာ ဥပဒေပါ ခံစားခွင့် ရရှိ စေဖို့ အလုပ်သမားကိစ္စရပ်များ ဖြစ်ပေါ်လာပါက လွယ်ကူလျင်မြန်စွာ ဖြေရှင်းနိုင်ဖို့ အတွက် အလုပ်သမားဝန်ကြီးဌာန၊ အလုပ်သမားညွှန်ကြားမှုဦးစီးဌာန က ထုတ်ပေးတာ ဖြစ်ပါတယ်။
 
" OWIC ကတ် ကို အရင်နှစ်တွေက အတု လုပ်တာတွေရှိခဲ့တယ် ပွဲစားတွေ က အတုလုပ်ပေးပြီး အလုပ်သမားတွေ ဆီက ငွေကြေး လိမ်လည်တာတွေရှိတယ် အခုလုံခြုံရေးစတေကာ ကပ်ပြီး ထုတ်ပေးမယ်ဆိုတော့ ပိုကောင်းသွားတာပေါ့ အခုချိန် အလုပ်သမားတွေ အတွက် တကယ်လိုအပ်နေတာက OWIC ကတ် ပြုလုပ်ခွင့် မြန်မြန် ချပေးဖို့ အဓိကပဲ ဒါမှ လည်း အလုပ်သမားတွေ နစ်နာဆုံးရှုံးမှု နည်းမှာ""လို့ ​လိုင်စင်ရအေဂျင်စီမှ နယ်ကိုယ်စားလှယ် တစ်ဦးကပြောပါတယ်။
 
လက်ရှိမှာ ပြည်ပ ထွက်ခွာ အလုပ်လုပ်ဖို့ အတွက် OWIC ကတ် ပြုလုပ်ရန်စောင့်ဆိုင်းနေရတဲ့ လုပ်သားများစွာရှိ နေပြီး အလုပ်သမားဝန်ကြီးဌာနက အလွန် စိစစ်ကန့်သက် ထုတ်ပေးနေတာကြောင့် ပြည်ပထွက်ခွာမယ့် အလုပ်သမား အများစု နစ်နာဆုံးရှုံးမှုတွေ ဖြစ်ပေါ်နေပါတယ်။
 
ပြည်ပနိုင်ငံကို တရားဝင် သွားရောက် အလုပ်လုပ်မယ့် လုပ်သားတွေ အတွက် OWICကတ် ပြုလုပ်မှု ကို ရန်ကုန်တိုင်းဒေသကြီး မြောက်ဒဂုံ မြို့နယ်ရှိ အလုပ်သမားညွှန်ကြားမှုဦးစီးဌာန အလုပ်သမားလေ့ကျင့်ရေးသင်တန်းကျောင်း မှာ ပြုလုပ်ဆောင်ရွက်ပေးနေတယ်လို့သိရပါတယ်။

Related posts

Cover
ပိတ်လိပ်ခိုးယူသည်ဟုစွပ်စွဲခံရသည့် အလုပ်သမား ၂ ဦး ဖမ်းဆီးခံရပြီး ပျောက်ဆုံးနေ
Aug 21, 2025
Cover
J&F Myanmar LNY Caps စက်ရုံ အလုပ်သမားများအား HR မန်နေဂျာ ခွဲခြားဆက်ဆံနေ
Aug 21, 2025
Cover
Great Glowin (JW) နှင့် Glowin & Win (ADK)စက်ရုံလုပ်သားများ အခွင့်အရေး ချိုးဖောက်ခံနေရခြင်းနှင့် လုပ်ငန်းခွင် ဖိနှိပ်မှုများ
Aug 20, 2025
Cover
လုပ်ငန်းခွင်ဆိုင်ရာ ချိုးဖောက်ခံရမှုတွေ ဖြေရှင်းပေးဖို့လိုလားနေ
Aug 19, 2025
Cover
New Plus အထည်ချုပ်စက်ရုံ ခွဲခြားဆက်ဆံမှုများ တင်ပြခြင်း
Aug 19, 2025
Cover
အလုပ်ချိန်အလွန်အကျွံခိုင်းစေမှု ဖြေရှင်းပေးစေလိုဟုဆို
Aug 18, 2025
Cover
Sioen Myanmar စက်ရုံပိုင်ရှင်ထံသို့ အိတ်ဖွင့်ပေးစာ
Aug 18, 2025
Cover
Tianjin Fashion Milestone လုပ်သားများအား အထည် ထမ်းတင်ခိုင်း_
Aug 17, 2025