လှိုင်သာယာ(အရှေ့ပိုင်း)မြို့နယ်၊ စက်မှုဇုန်(၂)၊ တွင်းသင်းတိုက်ဝန် ဦးထွန်းညိုလမ်းရှိဂျပန်နိုင်ငံသား ပိုင်ဆိုင်တဲ့ Myanmar Sunny Shoes ဖိနပ်စက်ရုံက အလုပ်သမားတွေဟာ စက်ရုံတွင်းတောင်းဆိုမှုပြုလုပ်နေရာ တစ်ပတ်ပြည့်သည်အထိ ပြေလည်မှုမရသေးလို့ ဆက်လက်တောင်းဆိုနေဆဲဖြစ်တယ်လို့ သိရပါတယ်။
"ပြေလည်မှုမရသေးဘူးဗျ။ ဆက်ပြီးတောင်းဆိုနေကြဆဲပါပဲ။ ဒေးကြေးတော့ ၅၆၀၀ တိုးပေးလိုက်တယ်။ ကျန်တဲ့တောင်းဆိုချက်ကမရသေးဘူး။ အဆင်မပြေကြသေးပါဘူး။ နောက်ထပ်ညှိဖို့ရှိသေးတယ်" လို့ အလူပ်သမားတွေကိုကူညီဆောင်ရွက်ပေးနေသူက ဆိုပါတယ်။
အဆိုပါအလုပ်သမားတွေအနေနဲ့ တစ်နေ့လုပ်ခတိုးမြှင့်ပေးဖို့နဲ့ အခြားသောတောင်းဆိုချက်များအတွက် ဇွန်လ၂၀ ရက်နေ့က စတင်တောင်းဆိုနေတာဖြစ်ရာ တောင်းဆိုချက်များကို တစ်ညှိနှိုင်းထားရာ တောင်းဆိုမှုတစ်ပတ်ပြည့်တဲ့အထိ ပြေလည်မှုမရသေးတာကြောင့် ဆက်လက်တောင်းဆိုနေကြဆဲဖြစ်တယ်လို့ သိရပါတယ်။
အဆိုပါ ဖိနပ်စက်ရုံဟာ ၂၀၀၀ ပြည့်နှစ် ဇွန် ၁၄ ရက်နေ့မှ စတင်လုပ်ငန်း လည်ပတ်ခဲ့တာဖြစ်ပြီး လတ်တလောမှာတော့ အလုပ်သမား ၁၂၀၀ ကျော်နဲ့ လည်ပတ်လုပ်ကိုင်နေတယ်လို့ သိရပါတယ်။
တောင်းဆိုမှုပြုလုပ်ရာမှာ အလုပ်သမား ကျား(၁၃၂)ဦး၊ မ(၇၆၈)ဦး၊ စုစုပေါင်း (၉၀၀)ဦးတို့က လုပ်ခလစာတိုးမြှင့်ခြင်းမရှိသည်မှာ ၂ နှစ်ကျော်ပြီဖြစ်လို့ အလုပ်သမားများအားငဲ့ကွက်ပြီး လုပ်ခလစာတိုးမြှင့်ပေးရန် အလုပ်မှနုတ်ထွက်သွားသော အလုပ်သမားတွေနေရာမှာအစားထိုးပေးဖို့ နှစ်အလိုက်လုပ်သက်ကြေး တိုးမြှင်င့် ပေးဖို့စတာတွေ အတွက် အလုပ်လုပ်ကိုင်ခြင်းမရှိဘဲ စက်ရုံရှိ စက်လိုင်းနေရာများ၌ ထိုင်၍ တောင်းဆိုခဲ့ကြတာဖြစ်တယ်လို့ သိရပါတယ်။
ရလာဒ်အနေနဲ့ ဒေးကြေး ၅၆၀၀ ကျပ်တိုးမြှင့်ပေးခဲ့ပြီး ကျန်တောင်းဆိုချက်တွေမရရှိသေးတာကြောင့် ဆက်လက်တောင်းဆိုနေတယ်လို့ အလုပ်သမားတွေထံကသိရပါတယ်။
အဆိုပါစက်ရုံမှာ Hawkins Premium အမှတ်တံဆိပ်နဲ့အခြားသောအမှတ်တံဆိပ် သားရေဖိနပ်တွေချုပ်လုပ်တင်ပို့နေတာဖြစ်တယ်လို့ သိရပါတယ်။
#MyanmarLabourNews
