Myanmar Postarion အထည်ချုပ်စက်ရုံလုပ်သားတွေက ဒီကနေ့ ဇွန်လ ၅ ရက်မှာ လုပ်ခလစာ တိုးမြှင့်ပေးဖို့ တတိယမြောက်နေ့ တောင်းဆိုမှု ဆက်လက်ပြုလုပ် နေပါတယ်။
စက်ရုံလုပ်သားတွေက လုပ်ခလစာဒေးကြေး ကျပ် ၁၃,၀၀၀ ၊ ၊ ရက်မှန်ကြေး ၆၀,၀၀၀ နဲ့ အချိန်ပိုကြေး တစ်နာရီ ၂,၅၀၀ တိုးမြှင့်ပေးဖို့ တောင်းဆိုနေတာပါ။ တောင်းဆိုမှုအတွင်း စက်ရုံအလုပ်သမား အားလုံးစုပေါင်းတောင်းဆို နေတာလို့ သွေးစည်းညီညွတ်သော သမဂ္ဂများ အဖွဲ့ချုပ် STUM က ထုတ်ပြန်ထားတာပါ။
Myanmar Postarion ( Red Stone) စက်ရုံက ရန်ကုန်မြို့၊ ရွှေပြည်သာမြို့နယ်၊ စက်မှုဇုန် (၁) ၊ စက်မှု (၃) လမ်းမှာ ဖွင့်လှစ်ထားတဲ့ အထည်ချုပ် စက်ရုံ ဖြစ်ပါတယ်။
