Myanmar I-Tex Garment စက်ရုံက လှိုင်သာယာမြို့နယ်၊ မြစိမ်း‌ရောင်စက်မှုဇုန်၊ မြသရဖီလမ်းမှာရှိပြီး တရုတ် နိုင်ငံသားပိုင် စက်ရုံ ဖြစ်တယ်လို့ အလုပ်သမားတွေက ပြောပါတယ်။ စက်ရုံအတွင်း အလုပ်သမား ၁၀၀၀ ကျော်လုပ်ကိုင်နေပြီး WM STRETCH, VV&q စတဲ့ တံဆိပ်တွေ ရှိလုပ်နေလို့ သိရပါတယ်။

 

“စက်လိုင်းထဲက ကြီးကြပ်ရေးမှူးတွေက ရိုင်းရိုင်းစိုင်းစိုင်း ဆဲပြီးခိုင်းတာ။ အထည်စံချိန်တွေ အလုပ်သမား လုပ်နိုင်တာ ပိုတောင်းတယ်။ သတ်မှတ်စံချိန်မပြည်မှာစိုးပြီးလည်း အော်စူပါ၊ စူပါတွေက ဆဲတယ်။” လို့ အလုပ်သမားတွေက ပြောပါတယ်။

 

အထည်ဆုကြေးရပါကလည်း လိုင်းစူပါ၊အော်စူပါတွေနဲ့ နီးစစ်သူတွေသာ အများဆုံးရရှိပြီး တကယ်ချုပ်လုပ်နိုင်သူတွေကတော့ နည်းနည်းသာရတာ ခွဲဝေမှု မမျှတတာတွေလည်း ရှိတယ်လို့ အလုပ်သမားတဦးက ပြောပါတယ်။

 

အလုပ်သမားတွေကို စက်ရုံတာဝန်ရှိသူတွေက ဆေးခွင့်တမျိုးတည်းသား ပေးပြီး ကျန်ခွင့်တွေကတော့ လုံးဝမရဘဲ ဖြေရှင်းပေးနိုင်မဲ့ အလုပ်သမား သမဂ္ဂ မရှိနဲ့ WCC အဖွဲ့အစည်းလည်း မရှိဘူးလို့ အလုပ်သမားတွေက ပြောပါတယ်။

 

ဒါကြောင့် ဥပဒေအတိုင်းခွင့်ရက်တွေပေးဖို့ ၊ အထည်စံချိန်တွေကို အလုပ်သမား ထုတ်လုပ်နိုင်တဲ့အ‌ရေးအတွက်ကို ညှိနှိုင်းသတ်မှတ်ပေးဖို့ ၊အော်စူပါ၊ စူပါတွေရဲ့ ရိုင်းစိုင်း ဆဲဆိုတာတွေ မလုပ်ဖို့ ၊ ပြုလုပ်ပါက အရေးယူဆောင်ရွက်ဖို့ကို Myanmar I-Tex Garment စက်ရုံ အလုပ်သမားတွေက တောင်းဆိုထားပါတယ်။