Myanmar Handsome အထည်ချုပ်စက်ရုံ၌ HR Manager (မန်နေဂျာ) က အလုပ်သမားတွေရဲ့ လုပ်ခလစာကို ခေါင်းပုံဖြတ် နေတယ်လို့ စက်ရုံ အလုပ်သမားတစ်ဦးက ပြောပါတယ်။
စက်ရုံက ရန်ကုန်မြို့၊ တောင်ဒဂုံမြို့နယ်၊ ရွာသာကြီးစက်မှုဇုန်၊ ဆရာစံလမ်း မှာ ရှိပြီး လုပ်သား ၁၀၀၀ ကျော် လုပ်ကိုင်နေတယ်လို့ သိရပါတယ်။
“အလုပ်သမားအသစ် ယောက်ျားလေးတွေဆို ပထမလစာကနေ ၃၀၀၀၀ ၊ မိန်းကလေးတွေဆို ၂၀၀၀၀ အကြောင်းပြချက်မရှိဘဲ ဖြတ်တယ်။ ဒီ အလုပ်သမားသစ်တွေက နေ့စားကနေ လစားအဖြစ် ခန့်ပြီး ပထမလမှာ ဖြတ်ယူလိုက်တာ။ အဲလို ဖြတ်ယူတာကို စက်လိုင်းတွေနောက် ဒါမှမဟုတ် ရုံးခန်းထဲကို ခေါ်ပြီး ဖြတ်ယူလိုက်တာ.” လို့ အလုပ်သမားတစ်ဦးက ပြောပါတယ်။
အခုလို လစာ ခေါင်းပုံဖြတ်တာက အလုပ်သမားတွေအတွက် နစ်နာမှု ဖြစ်တာကြောင့် မပေးလိုကြဘူးလို့ ပြောပါတယ်။
“ ပေးရမည်ဆိုလည်း ဘာအတွက်ကြောင့် ဖြတ်တယ်ဆိုတာ သိချင်တာပေါ့” လို့ ပြောပါတယ်။
၂၀၁၃ ခုနှစ် အနည်းဆုံးအခကြေးငွေဥပဒေ အခန်း ၇ ၊ ၁၂(ဂ) မှာ အနည်းဆုံး အခကြေးငွေထဲက နုတ်ယူခွင့်ရှိတဲ့ အခကြေးငွေမှ အပ အခြား အခကြေးငွေကို နုတ်ယူခွင့် မရှိစေရလို့ သတ်မှတ်ထားပါတယ်။
Myanmar Handsome စက်ရုံက povv ,Only နဲ့ Sank ကုန်အမှတ်တံဆိပ်အထည်တွေ ချုပ်လုပ်နေတယ်လို့ သိရပါတယ်။
