"စက်ရုံထဲနေရတာထောင်ကျနေသလိုပဲ ဒီစက်ရုံကအလုပ်သမားတွေအပေါ်လူပါးဝနေတာကြာပြီ ဖုန်းပါလာရင်အပိုင်သိမ်းပစ်တာတွေအထိလုပ်တယ် အလုပ်ထွက်ပြီးထိုင်စားလို့မရတဲ့အခြေအနေမို့သည်းခံနေကြရတာ"
ဒါကတော့ရန်ကုန်တိုင်း၊ မဂ်လာဒုံမြို့နယ်၊ မဂ်လာဒုံစက်မှု့ဇုန်၊ ဇီဇဝါဆယ့်တစ်လမ်းထိပ်မှာ၊ လုပ်ကိုင်နေတဲ့ အိန္ဒိယ နိုင်ငံသားပိုင် Myanmar Consumer Co.Ltdကစက်ရုံအလုပ်သမားတဦးပြောပြတဲ့စက်ရုံတွင်းကလုပ်ငန်းခွင်အခြေအနေပါ။
ဒီစက်ရုံမှာစက်ရုံအလုပ်သမားထောင်နဲ့ချီရှိနေပြီးတော့စက်ရုံလုပ်သားတွေဟာအလုပ်သမားအခွင့်အရေးချိုးဖောက်မှု့တွေ၊လုပ်ငန်းခွင်အတွင်းဖိနှိပ်မှု့တွေ ကိုဆိုးဆိုးဝါးဝါးခံစားနေကြရတယ်လို့ဆိုပါတယ်။
"အာဏာမသိမ်းခင်ထဲက ဒီစက်ရုံကအဲ့လိုတွေလုပ်နေတာခုဆိုပိုဆိုးတယ် စက်ရုံတွင်းထုတ်တဲ့အမိန့်တွေကလဲတနေ့တခြားပိုဆိုးလာတယ် အလုပ်သမားဥပဒေတွေဘာတွေနဲ့ဘာမှကိုမဆိုင်ဘူးလုပ်ချင်သလိုကိုလုပ်နေတာ"လို့ အဆိုပါစက်ရုံက လုပ်သက် သုံးနှစ်နီးပါး ရှိပြီဖြစ်တဲ့စက်ရုံလုပ်သားတဦးက MLN ကိုပြောပါတယ်။
စက်ရုံဖက်ကအလုပ်ရှင်အလုပ်သမားစာချုပ်ပါအချက်အလက်တွေကိုလစ်လျူရှု့ပြီးဥပဒေမဲ့အလုပ်ထုတ်တာတွေ၊ခေါင်းဆောင်ပိုင်းတွေကပုဂ္ဂိုလ်ရေးမကျေလည်မှု့တွေနဲ့အလုပ်ထုတ်ပစ်တာတွေရှိနေတယ်လို့လဲစက်ရံအလုပ်သမားတွေဖက်ကပြောပါတယ်။
အဲ့ဒီ့ထဲမှာလုပ်သက်လေးနှစ်နီးပါးရှိနေတဲ့အလုပ်သမားတွေကိုစက်ရုံဖက်ကအော်ဒါနည်းတယ်ဆိုတဲ့အကြောင်းပြချက်နဲ့လူလျော့ခဲ့ပြီးပြန်ခေါ်တဲ့အခါမှာတော့ တစ်ရက် ၄၈၀၀ သာရရှိတဲ့နေ့စားအဖြစ်သာပြန်ခေါ်ခဲ့တာတွေလဲရှိခဲ့တယ်လို့သိရပါတယ်။
အဆိုပါလူ လျှော့ပြီးမှနေ့စားအဖြစ်သာပြန်ခေါ်တဲ့အတွက်အလုပ်သမား ၅၀၀ ကျော်ကလုပ်သက်၊ လစာအစရှိတာတွေအကုန်နီးပါးနစ်နာခဲ့ရတယ်လို့စက်ရုံအလုပ်သမားတွေကပြောပါတယ်။
"လူ လျှော့တယ်ဆိုပြီးမလှိမ့်တပတ်နဲ့တခါ လျှော့ရင်လူနှစ်ရာလောက် လျှော့တာပြီးတော့ပြန်ခေါ်တော့နေ့စားနဲ့ပြန်ခေါ်တော့သုံးလေးနှစ်လုပ်သက်ရှိတဲ့သူတွေကတအားနာတာပေါ့ အဲ့ဒါတောင်သူတို့ခေါင်းဆောင်တွေနဲ့ပနံသင့်တဲ့သူပဲပြန်ခေါ်တာ"လို့ လူလျှော့ခံခဲ့ရတဲ့အထဲမှာပါဝင်ခဲ့တဲ့အဆိုပါစက်ရုံမှအလုပ်သမားတဦးကထပ်ပြောပါတယ်။
ဒီလိုလုပ်ငန်းခွင်အခြေအနေချိုးဖောက်တာတွေအပြင်စက်ရုံဖက်ကအလုပ်သမားတွေအပေါ်တာဝန်ယူမှု့တာဝန်ခံမှု့နည်းပါးတာတွေလဲရှိတယ်လို့အလုပ်သမားတွေရဲ့ပြောကြားချက်အရသိရပါတယ်။
စက်ရုံဖက်ကလုပ်ငန်းခွင်အတွင်းဖုန်းသုံးတာမျိုးမဟုတ်ပဲအရေးအကြောင်းဆက်သွယ်ဖို့ယူလာတဲ့အလုပ်သမားတွေရဲ့ဖုန်းတွေကိုအဓမ္မသိမ်းယူပစ်တာတွေလဲရှိနေတယ်လို့လဲသိရပါတယ်။
"မနက်ခြောက်နာရီကထလာရတယ်ဗျာ အလုပ်လုပ်နေတုန်းသုံးတာဆိုထားတော့ခုက ပါလာတာနဲ့သိမ်းတာအပိုင်သိမ်းတာနော်အလုပ်ထွက်မှပြန်ပေးတာ"လို့အဆိုပါအခြေအနေနဲ့ပတ်သက်ပြီးစက်ရုံအလုပ်သမားတဦးကဆိုပါတယ်။
Myanmar Consumer Co.Ltd စက်ရုံဖက်ကအခုလိုလုပ်နေတာတွေကိုထိထိရောက်ရောက်အရေးယူပေးဖို့လိုနေပြီလို့စက်ရုံအလုပ်သမားတွေဖက်ကပြောပါတယ်။
လက်ရှိစက်ရုံမှာမနက်ခြောက်နာရီမှညနေခြောက်နာရီအထိအလုပ်ဆင်းရပြီးနေ့စားသမားဆိုပါက
တနေ့လုပ်ခလစာ ၄၈၀၀ နဲ့အိုတီကြေးတနာရီကို ၆၀၀ ကျပ်သာရရှိတယ်လို့လဲသိရပါတယ်။
အလုပ်သမားအခွင့်အရေးချိုးဖောက်မှု့တွေကျူးလွန်နေတဲ့ Myanmar Consumer Co.Ltd က Onetea အမှတ်တံဆိပ်နို့ဆီနို့စိမ်း၊ Designer အမှတ်တံဆိပ်ရေသန့်ဗူး၊ Hornတံဆိပ်အချိုရည်အစရှိတာတွေထုတ်လုပ်ပြီးပြည်တွင်းကိုဖြန့်ဖြူးရောင်းချနေတဲ့ကုမ္ပဏီတခုဖြစ်ပါတယ်။
